हॅलो महाराष्ट्र ऑनलाईन। (JioCinema Premium Annual Plan) देशभरात अनेक लोक मनोरंजनासाठी ओटीटी प्लॅटफॉर्म वापरतात. त्यामुळे गेल्या काही काळात नवनवीन कलाकृती घेऊन येणारा जिओ सिनेमा या ओटीटी प्लॅटफॉर्मच्या युजर्सची संख्या चांगलीच वाढली आहे. जर तुम्हीही जिओ युजर असाल तर ही बातमी तुमच्यासाठी आनंददायी ठरणार आहे. नुकताच रिलायन्स जिओने आपल्या प्रिय ग्राहकांसाठी एक नवा प्रिमिअम प्लॅन लॉन्च केला आहे. मुख्य म्हणजे कोणत्याही जाहिरातीशिवाय हा सब्सक्रिप्शन प्लॅन लॉन्च करण्यात आला आहे. जो प्रीमियम कन्टेन्टसाठी सर्वात स्वस्त प्लॅन असल्याचे समजत आहे.
माहितीनुसार, जीओचा हा नवा प्रीमियम प्लॅन सर्वात स्वस्त असून वर्षभरासाठीचा जबरदस्त प्लॅन आहे. प्रीमियम अॅन्युअल नावाने सुरु करण्यात आलेली ही ऑफर जिओ युजर्सला चांगला फायदा देईल. (JioCinema Premium Annual Plan) कारण यामध्ये अॅड-फ्री कन्टेन्ट पाहता येणार आहे. सगळ्यात महत्वाचे म्हणजे, पूर्ण १२ महिने म्हणजेच वर्षभराच्या कालावधीसाठी तुम्हाला केवळ २९९ रुपये मोजावे लागणार आहेत. त्यामुळे हा प्लॅन आनंद पर्वणी ठरणार, असे म्हटले तर वावगे ठरणार नाही. चला या प्लॅनविषयी पूर्ण माहिती घेऊया.
Jio चा प्रीमियम वार्षिक प्लॅन (JioCinema Premium Annual Plan)
जिओच्या या नव्या प्रीमियम वार्षिक प्लॅनमुळे तुम्हाला पूर्ण १ वर्षासाठी कोणत्याही जाहिरातीशिवाय ‘प्रीमियम’सह सगळ्या कन्टेंटचा अॅक्सेस दिला जाणार आहे. तसेच या प्लॅनमध्ये तुम्हाला ४के क्वालिटी कन्टेंट पाहता येईल. शिवाय मोबाइलमध्ये अॅप वापरतेवेळी तुम्ही ऑफलाइन मोडमध्येसुद्धा कन्टेंट पाहू शकाल. तसेच टीव्ही कनेक्शनसोबत इतर कोणत्याही डिव्हाइसवर तुम्ही सीरिज, सिनेमा, शो पाहू शकणार आहात.
वर्षभर होईल मनोरंजन
जिओ सिनेमाने लॉन्च केलेल्या या नव्या प्रीमियम प्लॅनची वैधता पूर्ण १ वर्षाची अर्थात १२ महिन्याची आहे. या प्लॅनमध्ये एचबीओ, पॅरामाउंट आणि इतर प्रदात्यांकडून प्रीमियम कन्टेंटचा समावेश करण्यात आला आहे. जिओ सिनेमाने दिलेला हा वार्षिक प्लॅन कोणत्याही मासिक प्लॅनपेक्षा उत्तम आणि स्वस्त असल्याचे दिसून येत आहे. (JioCinema Premium Annual Plan) जाहिरात करून मंथली सिंगल स्क्रीन प्लॅनची किंमत दरमहा २९ रुपये असल्याचे सांगण्यात आले होते. यामुळे सबस्क्रायबर्स वाढले. पण नीट पाहिले तर समजेल की, वार्षिक स्वरूपात हा प्लॅन ३४८ रुपयांना पडेल. त्यामुळे तुलना केली असता नवा लॉन्च झालेला प्रिमिअम प्लॅन अधिक सोयीस्कर आहे.