हॅलो महाराष्ट्र ऑनलाईन। (Kalki 2898 AD) गेल्या अनेक महिन्यांपासून Kalki 2898 AD हा सिनेमा प्रचंड चर्चेत आहे. घोषणेपासून हा सिनेमा काहीतरी हटके आणि वेगळे कथानक घेऊन येणार हे समजत होते. मुख्य म्हणजे, पहिल्या प्रोमोत महानायक अमिताभ बच्चन अश्वत्थामाची भूमिका साकारणार असल्याचे समजल्यापासून प्रेक्षकांमध्ये एक वेगळीच उत्सुकता पहायला मिळाली. यानंतर आता ‘कल्की 2898 एडी’ चा जबरदस्त ट्रेलर रिलीज झाला आहे. जो पाहून आता प्रत्येकाला प्रदर्शनाची प्रतीक्षा आहे.
Kalki 2898 AD चा ट्रेलर रिलीज (Kalki 2898 AD)
बहुप्रतीक्षित Kalki 2898 AD या सिनेमाचा ट्रेलर नुकताच प्रदर्शित झाला आहे. सुमारे २ मिनिटे ३० सेकंदांच्या या ट्रेलरमध्ये सिनेमाची जबरदस्त स्टारकास्ट पहायला मिळते आहे. त्यानुसार चित्रपटात अभिनेता अमिताभ बच्चन, अभिनेता प्रभास, अभिनेत्री दीपिका पदुकोण मुख्य भूमिकेत तर अभिनेत्री दिशा पटानीदेखील महत्वाच्या भूमिकेत झळकणार असल्याचे समजत आहे. याशिवाय कमल हासन आणि शाश्वत चॅटर्जी देखील या सिनेमात झळकणार आहेत.
(Kalki 2898 AD) सध्या सिनेमाचा ट्रेलर पाहून प्रेक्षक सध्या चित्रपटाच्या कथेबद्दल अंदाज लावत आहेत. या ट्रेलरची सुरुवात काशी पासून होते आहे. ज्याचा उल्लेख पृथ्वीतलावरील शेवटचे शहर असा करण्यात आला आहे. तर ओसाड झालेल्या धरतीवर नवी सुरुवात कशी होणार? ते या सिनेमात आपल्याला पाहता येणार आहे.
बिग बींसोबत बाहुबली प्रभास करणार जबरदस्त ॲक्शन
‘कल्की 2898 एडी’ या सिनेमात दाक्षिणात्य अभिनेता प्रभास मध्यवर्ती भूमिकेत झळकणार आहे. त्यासोबत महानायक अमिताभ बच्चनही जबरदस्त ॲक्शन करताना दिसणार आहेत. त्यामुळे ‘कल्की 2898 एडी’ (Kalki 2898 AD) हा सिनेमा प्रेक्षकांसाठी पर्वणी ठरणार आहे. हा पूर्ण सिनेमा ॲक्शन आणि फिक्शनने भरलेला असून ट्रेलरनंतर प्रेक्षकांची रिलीबाबतची उत्सुकता आणखीच वाढली आहे. माहितीनुसार, या सिनेमात अमिताभ बच्चन, प्रभास यांच्यासोबत कमल हासनसुद्धा महत्वाच्या भूमिकेत दिसणार आहेत.
कधी रिलीज होणार?
माहितीनुसार, ‘कल्की 2898 एडी’ हा सिनेमा येत्या २७ जून २०२४ रोजी प्रदर्शित होणार आहे. या सिनेमामध्ये तेलुगू सुपरस्टार प्रभास आणि दीपिका पदुकोण पहिल्यांदाच एकत्र काम करताना दिसणार आहेत. या सिनेमाचे दिग्दर्शन नाग अश्विन यांनी केले आहे. हा एक साय- फाय सुपरहिरोवर आधारित चित्रपट असून सुपरहिरो म्हणून प्रभास आपल्या भेटीस येत आहे.