हॅलो महाराष्ट्र ऑनलाईन। (Khatron Ke Khiladi 14) कलर्स टीव्हीवरील लोकप्रिय शो ‘खतरों के खिलाडी’ हा अत्यंत लोकप्रिय टीव्ही शो आहे. यामध्ये अनेक सेलिब्रिटी कलाकार मंडळी सहभागी होतात आणि वेगवेगळे धाडसी स्टंट करताना दिसतात. त्यामुळे प्रेक्षकांमध्ये या शोचे वेगळे क्रेझ आहे. या शोचे सूत्रसंचालन बॉलिवूड सिनेविश्वातील लोकप्रिय ऍक्शन डिरेक्टर रोहित शेट्टी करतो. दरम्यान, ‘खतरों के खिलाडी’ कार्यक्रमाच्या १४व्या पर्वाची प्रेक्षक आतुरतेने वाट पाहत आहेत. जो लवकरच येऊ घातला आहे. इतकेच नव्हे तर यावेळी कोणते कलाकार यामध्ये सहभागी होणार? याबाबत देखील उत्सुकता आहे. त्या नावांची संभाव्य यादी अलीकडेच समोर आली आहे.
‘खतरों के खिलाडी’चं १४वं पर्व लवकरच सुरू होणार (Khatron Ke Khiladi 14)
धाडसी स्टंटवर आधारित असलेला कलर्स टीव्हीवर प्रसारित होणारा ‘खतरों के खिलाडी’ या कार्यक्रमाचे १४ वे पर्व लवकरच सुरू होणार असल्याची चर्चा आहे. यासाठी निर्मात्यांची पूर्ण तयारी झाली असून प्रेक्षक आता या कार्यक्रमाची आतुरतेने वाट पाहत आहेत. दरम्यान, ‘खतरों के खिलाडी’च्या १४व्या पर्वात झळकणाऱ्या स्पर्धकांची संभाव्य यादी देखील जाहीर झाली आहेत. यामध्ये एका प्रसिद्ध मराठी अभिनेत्याचे देखील नाव आहे. चला तर जाणून घेऊया यंदा ‘खतरों के खिलाडी १४’मध्ये कोणते कलाकार स्पर्धक म्हणून दिसणार आहेत.
KKK १४ मध्ये झळकणार ‘हे’ कलाकार
अलीकडेच ‘खतरों के खिलाडी’मध्ये सहभागी होणाऱ्या कलाकारांच्या संभाव्य नावांची यादी समोर आली आहे. यानुसार, हिंदी टेलिव्हिजनवरील लोकप्रिय चेहरा आणि ‘बिग बॉस’च्या १६व्या पर्वात झळकलेली अभिनेत्री निमृत कौर आहलूविया, प्रसिद्ध अभिनेता जॅकी श्रॉफ यांची मुलगी आणि टायगर श्रॉफची बहीण कृष्णा श्रॉफ या लोकप्रिय कार्यक्रमात झळकणार असल्याचे समजत आहे आहे. (Khatron Ke Khiladi 14) याशिवाय ‘खतरों के खिलाडी’च्या १४व्या पर्वात झळकणाऱ्या कलाकारांच्या यादीत ‘कपिल शर्मा शो’मधून घराघरात पोहोचलेली अभिनेत्री सुमोना चक्रवर्ती, शिवाय अभिनेत्री नियति फतनानी, करण वीर मेहरा, अदिती शर्मा हे हिंदी टेलिव्हिजनवरील लोकप्रिय चेहरेसुद्धा झळकणार असल्याचे समोर आले आहे.
‘बिग बॉस’मधून प्रकाश झोतात आलेला बिग बॉस १७ फेम अभिनेता अभिषेक कुमार, अभिनेता समर्थ जुरैल, बिग बॉस १६ फेम शालिन भनोट आणि ‘बिग बॉस १३ फेम आसिम रियाज देखील ‘खतरों के खिलाडीमध्ये यंदा झळकणार आहेत. (Khatron Ke Khiladi 14) सगळ्यात महत्त्वाचं म्हणजे रोहित शेट्टीच्या या लोकप्रिय कार्यक्रमात एक मराठी चेहरा सुद्धा झळकणार आहे. तो म्हणजे अभिनेता गश्मीर महाजनी. यासंदर्भात त्याने स्वतः खुलासा केला असून या प्रवासासाठी तो उत्सुक आहे.