हॅलो महाराष्ट्र ऑनलाईन । मराठमोळी रिल्स स्टार मानसी सुरवसेच्या (Mansi Survase) इन्स्टा पोस्टने खळबळ उडाली आहे. मोहित जाटच्या दुर्दैवी मृत्यूनंतर मानसीने सुद्धा आत्महत्या करण्याबाबतची पोस्ट शेअर केली आहे. मला माहित आहे कि मी चुकीचे पाऊल उचलत आहे मात्र माझ्याकडे पर्याय नाही असं मानसीने आपल्या पोस्ट मध्ये म्हंटल आहे. जे झाले ते विसरून पुढे जाण्याची हिंमत माझ्यामध्ये नाही असं मानसी सुरवसे हिने म्हंटल आहे. मानसीच्या या पोस्ट नंतर तिच्या चाहत्यांनी असं चुकीचे पाऊल उचलू नको अशी विनंती केली आहे. नंतर काही वेळातच तिने आपली पोस्ट डिलीट केली आहे.
काय आहे मानसीची इन्स्टा पोस्ट –
मला समजत आहे की मी चुकीचे पाऊल उचलत आहे.. पण माझ्याकडे कोणताही पर्याय शिल्लक नाही. मी हे सर्व लिहित आहे कारण का आणि काय झाले हे सर्वांना माहीत आहे. मी माझ्या आई, बाबा आणि भावावर खूप प्रेम करते आणि मी मोहित आणि त्याच्या कुटुंबावर देखील प्रेम करते . पण जे झाले ते विसरून पुढे जाण्याची हिंमत माझ्यामध्ये नव्हती. जेव्हा मी माझ्या आई आणि वडिलांकडून मला मिळालेल्या प्रेमाचा विचार केला तेव्हा मला अभिमान वाटला. मला जे प्रेम पाहिजे होते ते मिळालं. मी प्रत्येक वेळी कुटुंबाचा मुलगा होण्याचा प्रयत्न केला, पण खरे प्रेम माझ्या आयुष्यात कधीच आले नाही, जरी मला थोडं प्रेम मिळालं असलं तरी काही ना काही घडलंच. मी खूप मित्र कमावले नाहीत परंतु जे काही कमवले ते प्रेमळ होते. . नेहू, पौर्णिमा, सावली, स्मिता, रुक्कय्या, इतक्याच माझ्या मैत्रिणी होत्या आणि मोहित जो माझा होता. मला माहित आहे कि मोहितच्या जाण्याने सर्वांची अवस्था काय झाली हे मला माहित आहे, पण माझ्याकडे आता पर्याय नाही. मला आशा आहे कि माझ्या माघारी माझ्या कुटुंबाची सर्वजण काळजी घेतील.
माझी आई खूप मजबूत आहे, तिने माझ्यासाठी खूप मोठा त्याग केला आहे ते मी कधीही विसरणार नाही. असं समजू नका कि मी निघून गेली, तर असं समजा कि मी हारली आहे. मागील २-३ दिवसांपासून माझ्या डोक्यात हा विचार चालला आहे मात्र मी माझ्या घरी नव्हती आणि दुसऱ्यांच्या घरात असं चुकीचे पाऊल उचलणे योग्य वाटलं नाही अशी पोस्ट मानसी सुरवसे हिने केली आहे. मात्र काही वेळातच तिने आपली पोस्ट डिलीट केली आहे.