हॅलो महाराष्ट्र ऑनलाईन। (Latest OTT Releases) गेल्या काही काळात सिनेमा, नाटक यांच्याइतकंच वेब सीरिजचं सुद्धा क्रेझ वाढलं आहे. त्यात घरी बसल्या बसल्या ओटीटी प्लॅटफॉर्मवरील निवांतपणे चित्रपट आणि वेब सीरीज पाहण्याचा एक वेगळाच आनंद प्रेक्षकांना मिळत आहे. त्यामुळे दार आठवड्याला ओटीटी प्लॅटफॉर्मवर कोणकोणते सिनेमे किंवा सिरीज येणार याबाबत जाणून घेण्याची उत्सुकता प्रत्येकात दिसून येते. मे महिन्याचा शेवटचा आठवडा चालू आहे. या आठवड्यात काही दमदार सिनेमे आणि सिरीज ओटीटीवर येणार आहेत. चला त्याविषयी जाणून घेऊया.
1) पंचायत – 3 (Latest OTT Releases)
‘पंचायत’ या वेब सीरिजचे पहिले २ सीझन तुफान गाजल्यानंतर आता प्रेक्षक तिसऱ्या सिझनची आतुरतेने वाट पाहत आहेत. तर आता लवकरच प्रेक्षकांची प्रतीक्षा संपणार असून या सीरिजचा तिसरा सीझन रिलीजसाठी सज्ज झाला आहे. उद्या २८ मे २०२४ रोजी ‘पंचायत ३’ ही वेब सिरीज ओटीटी प्लॅटफॉर्म प्राइम व्हिडीओवर रिलीज होत आहे. फुलेरा गावाची कथा, सरपंच, सचिव आणि बनराकस आता पुन्हा एकदा प्रेक्षकांच्या मनोरंजनासाठी सज्ज झाले आहेत.
2) स्वातंत्र्य वीर सावरकर
रणदीप हुड्डा अभिनित ‘स्वातंत्र्य वीर सावरकर’ हा चित्रपट सिनेमागृहात प्रचंड चर्चेत राहिल्यानंतर आता हा सिनेमा ओटीटी प्लॅटफॉर्मवर रिलीज होण्यासाठी सज्ज झाला आहे. (Latest OTT Releases) वीर सावरकरांच्या जीवनावर आधारित या चित्रपटात अभिनेता रणदीप हुड्डा स्वतः मुख्य भूमिकेत आहे. हा सिनेमा ओटीटी प्लॅटफॉर्म झी ५ वर उद्या २८ मे २०२४ रोजी प्रदर्शित होणार आहे.
3) इल्लीगल – 3
‘इल्लीगल’ या वेब सीरिजच्या २ हिट सिझननंतर आता तिसरा सीझन प्रदर्शित होत आहे. येत्या २९ मे २०२४ रोजी हा सिनेमा ओटीटी प्लॅटफॉर्म जिओ सिनेमावर प्रदर्शित होत आहे. (Latest OTT Releases) या सिनेमात नेहा शर्मा, पियुष मिश्रा, अक्षय ओबेरॉय, नील भूपलम आणि सत्यदीप मिश्रा असे अनेक तगडे कलाकार मुख्य भूमिकेत दिसत आहेत.
4) डाय हार्ट – 2
डाय हार्ट – २ हा एक कॉमेडी ॲक्शन सिनेमा आहे. ज्यामध्ये केविन हार्ट, नताली एम्युनल आणि जॉन सीना यांसारख्या हॉलीवूड स्टार्सच्या मुख्य भूमिका आहेत. हा सिनेमा क्लासिक ‘डाय हार्ट’ मालिकेचा पॅरोडी शो आहे. (Latest OTT Releases) यामध्ये केविन हार्टचा प्रवास दाखविण्यात आला असून हा सिनेमा येत्या ३० मे २०२४ रोजी प्राइम व्हिडीओवर रिलीज होणार आहे.
5) द गोट लाइफ
द गोट लाइफ हा सिनेमा एका सत्य घटनेवर आधारित असून नुकताच २६ मे २०२४ रोजी ओटीटी प्लॅटफॉर्म हॉटस्टारवर प्रदर्शित झाला आहे. (Latest OTT Releases)