नवी दिल्ली । सोमवारी निवडणूक कायदा विधेयक, 2021 लोकसभेत मंजूर करण्यात आले. कायदा आणि न्याय मंत्री किरेन रिजिजू यांनी सभागृहात मांडलेल्या या विधेयकाला काँग्रेस, बसपा, एआयएमआयएम आणि इतर विरोधी पक्षांनी विरोध केला. या विधेयकात मतदारांच्या फोटो ओळखपत्राशी (EPIC) आधार लिंक करण्याची तरतूद आहे. हे विधेयक दोन्ही सभागृहांनी मंजूर केल्यास लवकरच त्याचे कायद्यात रुपांतर होईल.
आधार आणि मतदार ओळखपत्र लिंक केल्यामुळे, निवडणूक कायदा दुरुस्ती विधेयक 2021 ची मतदार यादी तयार करणाऱ्या अधिकाऱ्यांना आता आधार कार्ड मागण्याचा अधिकार असेल. मात्र, सध्या या विधेयकात आधार कार्डचा क्रमांक देणे ऐच्छिक ठेवण्यात आले आहे, म्हणजेच ते आता बंधनकारक असणार नाही.
भारतीय निवडणुकांमध्ये बनावट मते टाकण्याच्या तक्रारी खूप वाढू लागल्या आहेत, त्यामुळे केंद्र सरकार मतदार ओळखपत्राशी आधार लिंक करण्याचा प्रयत्न करत आहे. बोगस मतदानाला आळा घालणे हा त्यामागचा उद्देश आहे. मतदार कार्ड आधार कार्डशी लिंक करणे अनिवार्य नाही. केंद्रीय मंत्रिमंडळाने मतदार ओळखपत्र आणि आधार कार्ड लिंक करण्यास परवानगी दिली आहे.
लिंक कसे करायचे ते जाणून घ्या
– सर्व प्रथम https://voteportal.eci.gov.in वर जा.
– यानंतर Mobile no/ email / Voter ID No आणि पासवर्डसह लॉगिन करा.
– यानंतर, राज्य, जिल्ह्यासह तुमची वैयक्तिक माहिती द्या.
– सर्व माहिती दिल्यानंतर Search बटणावर क्लिक करा. सरकारी आकडेवारीशी माहिती जुळली तर एक नवीन तपशील तुमच्यासमोर उघडेल.
– आता येथे तुम्हाला feed aadhar number वर क्लिक करावे लागेल.
– बाकीची माहिती आधार सोबत इथे लिहा.
– सर्व माहिती तपासल्यानंतर सबमिट बटण दाबा.
– तुमची रजिस्ट्रेशन यशस्वी झाले हे स्क्रीनवर येईल.
तुम्ही SMS पाठवून देखील लिंक करू शकता
आधार कार्ड आणि मतदार ओळखपत्र लिंक करण्यासाठी, SMS द्वारे 166 किंवा 51969 वर <Voter ID No> आणि <Aadhaar Number> पाठवा.
तुम्ही कॉल करून देखील लिंक करू शकता
एक फोन कॉलद्वारे मतदार ओळखपत्र आणि आधार कार्ड देखील लिंक करू शकतात. यासाठी तुम्हाला सोमवार ते शुक्रवार सकाळी 10 ते संध्याकाळी 5 या वेळेत 1950 वर कॉल करावा लागेल.