नवी दिल्ली । Zee Entertainment Enterprises Limited (ZEEL) आणि Sony Pictures Networks India Private Limited (SPNI) आता एकत्र होत आहेत. मनोरंजन विश्वातील या दोन मोठ्या हाऊसेसच्या विलीनीकरणाला बोर्डाकडून मान्यता मिळाली आहे. ZEE आणि Sony च्या विलीनीकरणासाठी 8 ते 10 महिने लागू शकतात.
दोन्ही कंपन्यांच्या विलीनीकरणामुळे मनोरंजन विश्व आणि शेअर बाजारावर मोठा परिणाम होणार आहे. या विलीनीकरणामुळे कंपनीची मार्केटकॅप चांगली राहील, त्यामुळे महसूल वाढण्याची शक्यता आहे. नवीन कंपनीला मजबूत मॅनेजमेंट मिळेल. याचा थेट फायदा भागधारकांना होणार आहे.
बाजारावर परिणाम
मार्केट एक्सपर्ट गुंतवणूकदारांना ZEEL चा स्टॉक खरेदी करण्याचा सल्ला देत आहेत. एक्सपर्टसनी ZEEL ला 400-415 रुपयांचे टार्गेट दिले आहे. ZEEL च्या 100 शेअर्ससाठी शेअरधारकांना नवीन कंपनीचे 85 शेअर्स मिळतील. या विलीनीकरणानंतर, ZEE आणि Sony हे 26.7 टक्के दर्शकांसह देशातील सर्वात मोठे मनोरंजन नेटवर्क असेल. हिंदी चित्रपटसृष्टीतही त्याची 63 टक्के भागीदारी असेल.
नवीन कंपनीकडे 75 टीव्ही चॅनेल, 2 व्हिडिओ स्ट्रीमिंग सर्व्हिस, 2 स्टुडिओ आणि एक डिजिटल कन्टेन्ट स्टुडिओ असेल. ZEE आणि Sony मिळून IPL चे राइट्स घेण्यासाठी बाजी लावू शकतात, अशीही चर्चा आहे.
ZEE आणि Sony विलीनीकरण
या दोन्ही कंपन्या टेलीव्हिजन इंडस्ट्रीमध्ये दीर्घकाळ कार्यरत आहेत. सोनी पिक्चर्स नेटवर्क इंडियाने 1995 मध्ये भारतात पहिले टीव्ही चॅनल सुरू केले. आणि Zee Entertainment Enterprises Limited (ZEEL) ने 1992 मध्ये आपले पहिले चॅनेल Zee TV लाँच केले.
किती मोठे नेटवर्क आहे ?
Zee कडे 49 आणि Sony कडे 26 टीव्ही चॅनेल आहेत. या दोन्ही कंपन्यांच्या विलीनीकरणानंतर आता नवीन कंपनीकडे एकूण 75 चॅनेल असतील. Zee 173 देशांमध्ये उपस्थित आहे आणि जगभरातील 1.3 अब्ज लोकांपर्यंत पोहोचते. त्याच वेळी, सोनीची 167 देशांतील 70 कोटी लोकांपर्यंत पोहोच आहे.
क्रिकेटवर मोठी पैज
इंडियन प्रीमियर लीगचे प्रसारण हक्क सध्या स्टार इंडियाकडे आहेत. यापूर्वी IPL चे प्रसारण हक्क सोनीचे होते. नवीन कंपनी हे अधिकार परत घेण्यासाठी दावा करू शकते.
Zee Entertainment चे सीईओ पुनीत गोयंका यांनी आधीच सांगितले आहे की,” नवीन विलीन झालेली संस्था त्याच्या वाढीच्या धोरणाचा भाग म्हणून स्पोर्ट कन्टेन्टवर लक्ष केंद्रित करेल. या विलीनीकरणामुळे जाहिरात क्षेत्रातही मोठा बदल होणार आहे.”
भारत ही मनोरंजनाची मोठी बाजारपेठ आहे. नेटफ्लिक्स, अ‍ॅमेझॉन, डिस्ने हॉटस्टार यांसारख्या विदेशी कंपन्यांचे वर्चस्व आहे. ZEE आणि Sony देखील OTT वर आहेत. विलीनीकरणानंतर, या दोन्ही कंपन्या त्यांच्या कन्टेन्ट सुधारण्यासाठी तसेच युझर बेस वाढवण्यासाठी स्वस्त प्लॅन्स लॉन्च करू शकतात.