हॅलो महाराष्ट्र ऑनलाईन : दक्षिण कोरियातील मल्टि नॅशनल कंपनी म्हणून ओळख असलेली एलजी इलेक्ट्रॉनिक्स हि कंपनी भारतात सुद्धा चांगलीच लोकप्रिय आहे. देशात अनेक LG प्रॉडक्टची विक्री होत असते. आता कंपनी भारतात आणखी विस्तारासाठी प्रयत्न करत आहे. याचाच एक भाग म्हणून ही कंपनी आपला आयपीओ (LG IPO) घेऊन येण्याच्या तयारीत आहे. मिळालेल्या माहितीनुसार, LG Electronics IPO च्या माध्यमातून 8 ते 13 हजार कोटी रुपये जमा करू शकते. तज्ञांच्या मते, या IPO मधून LG Electronics India Private Limited चे मूल्यांकन 12 अब्ज डॉलर्स म्हणजेच एक लाख कोटी रुपयांपेक्षा जास्त असू शकते. मात्र हा आयपीओ कधी लाँच होणार याबाबत कोणतीही स्पष्ट माहिती समोर आलेली नाही.
2025 च्या सुरुवातीला येऊ शकतो LG IPO
परदेशी गुंतवणूकदार आणि कंपन्यांसाठी भारत ही मोठी बाजारपेठ बनली आहे. ज्याप्रमाणे भारताच्या विकासात मोठी वाढ होत आहे, आणि भारतीय शेअर बाजारात सुद्धा सतत तेजी पाहायला मिळत आहे, त्यामुळे जगभरातील अनेक कंपन्या त्याचा फायदा घेण्याचा प्रयत्न करत आहेत. LG चा आगामी IPO सुद्धा याचाच एक भाग असणार आहे. हा IPO पुढील वर्षी, 2025 च्या सुरुवातीला येऊ शकतो. या आयपीओचे (LG IPO) काम चार मोठ्या बँकांकडे दिल्याचा दावा केला जात आहे. बँक ऑफ अमेरिका (Bank of America), सिटीग्रुप इंक (Citigroup Inc), जेपी मॉर्गन चेस (JPMorgan Chase) आणि मॉर्गन स्टेनली (Morgan Stanley) असे या चार बँकिंग संस्थांचे नाव आहे. माहितीनुसार, कंपनी पुढील महिन्याच्या सुरुवातीला भारताच्या बाजार नियामकाकडे प्रॉस्पेक्टस दाखल करू शकते.
LG शिवाय ऑटो क्षेत्रातील दिग्गज कंपनी Hyundai Motor India Limited सुद्धा देशातील सर्वात मोठा IPO लॉन्च करण्याच्या तयारीत आहे. दक्षिण कोरियन ऑटोमोबाईल कंपनी असलेलया Hyundai Motor India Limited च्या भारतीय युनिटने सार्वजनिक समस्या आणण्यासाठी SEBI कडे मसुदा कागदपत्रे सादर केली आहेत. याबाबत मुख्य कार्यकारी अधिकारी विल्यम चो यांनी ऑगस्टमध्ये ब्लूमबर्ग टेलिव्हिजनच्या मुलाखतीत सांगितले की, LG च्या भारतीय युनिटचा IPO हा दक्षिण कोरियन कंपनी ज्या पर्यायांचा विचार करत आहे त्यापैकी एक आहे. कारण कंपनीला 2030 पर्यंत इलेक्ट्रॉनिक्स महसुलात $75 अब्जाचे लक्ष्य गाठायचे आहे आणिआपला इलेक्ट्रॉनिक्स व्यवसाय पुन्हा एकदा रुळावर आणायचा आहे.