मुंबई । कॅफेमध्ये जाण्यासाठी किंवा मौजमजेसाठी नव्हे तर देश आणि राज्याला उभं करण्यासाठी, अर्थव्यवस्थेला पुढे नेण्यासाठी लॉकडाऊन शिथिल केलं पाहिजे, असं मत राष्ट्रवादीच्या खासदार सुप्रिया सुळे यांनी फेसबुकवरून राज्यातील जनतेशी संवाद साधताना व्यक्त केलं. यावेळी राज्यातील जनतेला भेडसावणाऱ्या समस्यांवर भाष्य करतानाच नागरिकांच्या प्रश्नांची उत्तरेही त्यांनी दिली.
देशाची अर्थव्यवस्था पुन्हा रुळावर आणायची आहे. त्यामुळे अनलॉकिंग हळूहळू सुरू झालं पाहिजे हे माझं मत आहे. मौजमजेसाठी किंवा कॅफेत जाण्यासाठी नव्हे तर देश आणि राज्याला उभं करण्यासाठी आणि आपली अर्थव्यवस्था सावरण्यासाठी लॉकडाऊन शिथिल झालंच पाहिजे, असं मत खासदार सुप्रिया सुळे यांनी व्यक्त केलं. लॉकडाऊन घाईघाईत उठवून चालणार नाही.तर टप्प्याटप्प्याने लॉकडाऊन उठवलं पाहिजे. सांगतानाच लॉकडाऊन शिथिल करण्याबाबत काही सूचना असतील तर अवश्य कळवा, असं आवाहनही सुप्रिया सुळे यांनी केलं.