Lumpy Skin Disease | महाराष्ट्र दोन वर्षांपूर्वी जनावरांच्या लंपी रोगाने थैमान घातलेले होते. आता पुन्हा एकदा हा रोग महाराष्ट्रा समोर आलेला आहे. या आजारामुळे जनावरांच्या त्वचेवर गाठी निर्माण होतात. आणि आतून त्या जनावरांना पोखरतात. आता या रोगाचा प्रादुर्भाव राज्यातील काही गावांमध्ये दिसून येत आहे. या रोगाने पुन्हा एकदा तोंड वर काढल्याने शेतकऱ्यांना देखील चांगलीच भीती वाटत आहे. त्यामुळे आता पशुवैद्यकीय तज्ञांनी देखील जनावरांना वेळीस उपचार तसेच लसीकरण करून आणण्याचा सल्ला दिलेला आहे. कारण आता राज्यातील अनेक गावांमध्ये लंपीची (Lumpy Skin Disease) लागण होण्यास सुरुवात झालेली आहे. गावाकडील अनेक शेतकरी हे शेतीला जोडधंदा म्हणून दूध व्यवसाय करत असतात. परंतु लंपी या आजारामुळे दोन वर्षांपूर्वी अनेक दुधाळ जनावरांचा मृत्यू झालेला आहे. तसेच अनेक जनावरे निकामी झालेली आहेत. त्यामुळे शेतकऱ्यांचे मोठे नुकसान झालेले आहे. या रोगांनी आता पुन्हा एकदा तोंड वर काढल्याने लोकांना लसीकरण आणि प्रतिबंधात्मक उपाय करणे खूप गरजेचे आहेत.
लंपी रोगाची लक्षणे | Lumpy Skin Disease
लंपी या रोगाचा संसर्ग सगळ्यात आधी जनावरांच्या डोळ्यांतुत तसेच नाकातून पाणी येते. आणि लसिका ग्रंथींना सूज येते. तसेच जनावरांना सुरुवातीला ताप येतो.bआणि त्यांचे दुधाचे प्रमाण देखील कमी होणे, जनावरे चारा देखील खूप कमी खातात. आणि पाणी देखील पीत कमी पितात. नंतर हळूहळू त्यांचे डोके या भागाच्या त्वचेवर दहा ते पंधरा मिलिमीटर व्यासाच्या गाठी येतात. डोळ्यातील व्रणामुळे आजारी जनावरांना चारा खाण्यास देखील त्रास होतो. त्यांची दृष्टी बाधित होते. पायांवर सूज येऊन जनावरांना नीट चालता देखील येत नाही. हा रोग विशेषता गोवंस आणि म्हैस या वर्गातील जनावरांना होणारा विषाणूजन्य आहे. परंतु हा आजार मानवांकडे संक्रमित होत नाही. परंतु जनावरांमध्ये हा एक वेगाने पसरणारा संसर्गजन्य आजार आहे. त्यामुळे जनावरांची काळजी घेणे खूप गरजेचे आहे.
जनावरांमध्ये प्रतिकारक शक्ती क्षमता कमी असते. त्यामुळे संसर्गजन्य रोगाचा प्रभाव खूप वेगाने होतो. अशावेळी वासरू दगावण्याची जास्त शक्यता असते. त्यामुळे पशुपालकांना दुधाळ जनावरांसह वासरांची काळजी घेणे देखील खूप गरजेचे आहे. यासाठी जनावरांचा गोठा स्वच्छ ठेवावा, त्यांना गोचीडपासून मुक्त करावे. तसेच वातावरणासोबत इतर जनावरांना पशूंना संसर्ग होत असतो. त्यामुळे जर बाजारातून काही जनावरे नवीन आणली तर त्यांना काही दिवस इतर गुरांपेक्षा वेगळी ठेवावी. जवळपास महिनाभर त्यांना लांब ठेवावे. लंपीची बाधा झाल्याची लक्षणे दिसला तात्काळ उपचार सुरू करावेत. अन्यथा त्याची त्याचा संसर्ग वाढत जाईल. चिलटे, माशा, गोचीड आणि डास यामुळे रोगाचा प्रसार होतो. त्यामुळे पशुपालकांनी घाबरून न जाता या गोष्टींची काळजी घेणे खूप गरजेचे असते.
