सातारा प्रतिनिधी । सकलेन मुलाणी
माण तालुक्यातील रहिवासी असलेला एक 25 वर्षीय तरुण कोरोना बाधित असल्याचे समोर आले आहे. संस्थात्मक विलगीकरणात असलेल्या सदर तरुणाचा रिपोर्ट आला असून तो पॉझिटिव्ह असल्याची माहिती जिल्हा शल्य चिकित्सक डॉ. आमोद गडीकर यांनी दिली आहे. आज दिवसभरातला जिल्ह्यात चार बाधित रुग्ण सापडले आहेत. सध्या जिल्ह्यात उपचार सुरु असलेल्या बाधितांची संख्या 86 झाली आहे
हाती आलेल्या माहितीनुसार, मंगळवारी रात्री उशिरा माण येथील रहिवासी असलेल्या तरुणाचा कोरोना अहवाल पॉझिटिव्ह आला आहे. सदर तरुण संस्थात्मक विलगीकरणात असल्याची माहिती मिळाली आहे. तसेच या तरुणाने अहमदाबाद येथून प्रवास केल्याचे समजत आहे. सातारा जिल्हयातील माण तालुक्यात पहिल्यांदाच कोरोना रुग्ण सापडला आहे. आज दिवसभरात खटाव बरोबरीने माण तालुक्यातही कोरोना संशयिताचा अहवाल पॉझिटिव्ह आला आहे.
दरम्यान, ताज्या आकडेवारीनुसार आता सातारा जिल्ह्यातील एकूण कोरोनाबाधितांची संख्या १२३ झाली आहे. जिल्हा प्रशासनाकडून नागरिकांना योग्य खबरदारी घेण्याचे आवाहन करण्यात येत आहे.
”ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”
