दिल्ली | ऊर्जा बचत आणि कार्यक्षमता क्षेत्रात महाराष्ट्र देशातील अग्रेसर राज्य ठरले आहे. नीती आयोगाने जाहीर केलेल्या ऊर्जा कार्यक्षमता सज्जता निर्देशांकात महाराष्ट्राचा समावेश करण्यात आला आहे.
देशात ऊर्जा बचतीच्या दिशेने महत्वाचे पाऊल उचलत निती आयोगाने यंदा प्रथमच ऊर्जा कार्यक्षमता सज्जता निर्देशांक तयार केला आहे. याकरता केंद्रीय ऊर्जा मंत्रालयातर्फे सर्व राज्यांकडून माहीती मागविण्यात आली होती. या माहीतीच्या आधारावर ऊर्जा बचत करणार्या काही राज्यांची निवड करण्यात आली. त्यामधे महाराष्ट्र अग्रेसर ठरले आहे. महाराष्ट्रासोबत केरळ, राजस्थान आणि आंध्रप्रदेश या राज्यांचाही समावेश निर्देशाकांत करण्यात आला आहे.
