हॅलो महाराष्ट्र ऑनलाईन। (Mahesh Manjrekar) छोट्या पडद्यावरील अत्यंत लोकप्रिय रिऍलिटी शो म्हणजे बिग बॉस. हा कार्यक्रम विविध भाषांमध्ये विविध भाषिक प्रेक्षकांचे मनोरंजन करतो. त्यापैकी ‘बिग बॉस मराठी’ हा शो कलर्स मराठी वाहिनीवर प्रसारित होतो. ज्याच्या पहिल्या चार सिझनने प्रेक्षकांची मने जिंकली होती. यानंतर आता सर्वाना प्रतीक्षा आहे ती बिग बॉस मराठीच्या पाचव्या सिजनची. जो लवकरच प्रेक्षकांच्या भेटीस येणार आहे. मात्र, यामध्ये एक मोठा बदल पहायला मिळणार आहे. तो म्हणजे यावेळी बिग बॉस मराठीचा शो होस्ट बदलणार आहे.
आतपर्यंत बिग बॉस मराठीच्या चार सिजनचे होस्टिंग मराठी तसेच बॉलिवूड सिनेविश्वात आपल्या नावाचा दबदबा कायम राखणारे अभिनेते आणि दिग्दर्शक महेश मांजरेकर यांनी केले आहे. मात्र, येऊ घातलेल्या बिग बॉस मराठीच्या पाचव्या सिजनचे होस्टिंग महेश मांजरेकर (Mahesh Manjrekar) करणार नसून अभिनेता रितेश देशमुख करणार आहे. तसा कलर्स मराठी वाहिनीच्या अधिकृत सोशल मीडिया हॅण्डल इंस्टाग्रामवर प्रोमो देखील शेअर करण्यात आला आहे. ज्यामध्ये होस्ट चेअरवर महेश मांजरेकरांच्या जागी अभिनेता रितेश देशमुख दिसून आला आहे. त्यामुळे सर्वत्र मांजरेकरांनी शो का सोडला? याबाबत चर्चा सुरु झाली आहे. ज्याचं कारण स्वतः महेश मांजरेकरांनी दिल आहे.
.. म्हणून सोडला शो (Mahesh Manjrekar)
रिअ‍ॅलिटी शो ‘बिग बॉस मराठी’चा पाचवा सिझन लवकरच प्रेक्षकांच्या भेटीला येत आहे. यावेळी महेश मांजरेकरांऐवजी अभिनेता रितेश देशमुख शोचे होस्टिंग करणार आहे. म्हणजे आता मांजरेकरांची शाळा भरणार नाही. या विचाराने प्रेक्षकांच्या मनात चलबिचल सुरु झाली आहे. मांजरेकरांनी शो सोडला याबाबत विविध चर्चा आणि तर्क वितर्क लावले जात आहेत. हे पाहून अखेर महेश मांजरेकरांनी मौन सोडत शोचे होस्टिंग सोडण्यामागे काय कारण आहे? ते स्वतःच सांगितले आहे.
यंदाच्या सिझनमध्ये नवे सरप्राईज, एक्स्ट्रा धमाल, मस्ती, गॅासिप्स, मसाला आणि एक्स्ट्रा भव्यता प्रेक्षकांना पहायला मिळणार आहे. त्यासोबत नवा होस्ट प्रेक्षकांच्या भेटीला येतो आहे. महेश मांजरेकर यांनी पहिल्या चार सिझनचे सूत्रसंचालन केले होते. त्यांच्या भूमिकेला प्रेक्षकांचा चांगला प्रतिसाद मिळाला होता. यानंतरही त्यांनी शो का सोडला? (Mahesh Manjrekar) असा प्रश्न प्रत्येकाला पडला आहे. याबाबत सांगताना एका मुलाखतीत महेश मांजरेकर म्हणाले की, ‘माझ्या समोर बरेच प्रोजेक्ट्स आहेत. त्यामुळे मला शोसाठी आवश्यक तितका वेळ देता येणार नाही आणि म्हणून मला हा शो सोडावा लागला’.