हॅलो महाराष्ट्र ऑनलाईन। (Mirzapur Season 3) गेल्या अनेक दिवसांपासून प्रेक्षक ‘मिर्झापूर ३’ या बहुचर्चित वेब सीरिजच्या प्रतीक्षेत आहेत. ‘मिर्झापूर’ या सीरिजचे पहिले दोन भाग चांगलेच गाजले. त्यानंतर आता तिसऱ्या भागाची चाहत्यांमध्ये प्रचंड उत्सुकता आहे. अशातच नुकताच या वेब सीरिजचा जबरदस्त टीझर प्रदर्शित झाला आहे. सोबतच ही सिरीज कधी रिलीज होणार ते देखील समोर आले आहे. ‘मिर्झापूर ३’च्या प्रदर्शनाची तारीख एका पोस्टरमधून जाहीर करण्यात आली आहे. हे पोस्टर पाहून ही सिरीज ५ जुलै २०२४ रोजी प्रदर्शित होणार असे दिसत आहे. तर टिझरने कमालीची उत्सुकता वाढवली आहे
‘मिर्झापूर ३’चा टिझर रिलीज (Mirzapur Season 3)
बहुप्रतीक्षित आणि बहुचर्चित वेब सिरीज ‘मिर्झापूर ३’चा एकदम जबरदस्त टीझर प्रदर्शित करण्यात आला आहे. हा टिझर ‘ये है मिर्झापूर’ नावाच्या सोशल मीडिया हॅण्डल इंस्टाग्रामवर शेअर करण्यात आला आहे. सोबत कॅप्शनमध्ये लिहिलं आहे की, ‘जंगल में भौकाल मचने वाला है!’.
या जबरदस्त टीझरमध्ये कालीन भैय्या हे गुड्डू पंडितचा बदला घेण्यासाठी सज्ज झाले आहेत. माहितीनुसार, ‘मिर्झापूर ३’ ही वेब सीरिज येत्या ५ जुलै २०२४ रोजी ‘अ‍ॅमेझॉन प्राइम’ या लोकप्रिय ओटीटी प्लॅटफॉर्मवर प्रदर्शित होणार आहे.
प्रेक्षकांची उत्सुकता शिगेला
बहुचर्चित आणि बहुप्रतीक्षित ‘मिर्झापूर ३’ ही वेब सिरीज कधी प्रदर्शित होणार? याकडे प्रेक्षकांच्या नजरा लागल्या आहेत. अशातच वेब सिरीजचा टिझर प्रदर्शित झाला आहे. (Mirzapur Season 3) जो पाहून प्रेक्षकांची उत्सुकता प्रचंड वाढली आहे. या टीझर व्हिडिओवर अनेक प्रेक्षकांनी विविध प्रतिक्रिया दिल्या आहेत. एका नेटकऱ्याने लिहिलंय, ‘अब मजा आयेगा!!’. आणखी एकाने लिहिलं, ‘भाई… रॉक ऑन’. अजून एका युजरने लिहिलं, ‘भिडू आता मजा येणार.. वाट बघतोय’. तसेच आणखी एका नेटकऱ्याने लिहिले, ‘वाह भाई.. अखेर प्रतीक्षा संपली’.
कसा असेल ‘मिर्झापूर भाग ३’?
‘मिर्झापूर’ आणि ‘मिर्झापूर २’ या वेब सीरिजच्या शेवटी गुड्डू पंडित (अली फजल), मुन्ना भैय्याला (दिव्येंदू शर्मा) मारून मिर्झापूरच्या खुर्चीवर बसतो आणि कालीन भैय्याला सोडून देतो असे आपण पाहिले. यानंतर आता ‘मिर्झापूर ३’ सिरीजमध्ये कालीन भैय्या आपल्या खुर्ची आणि लेकाच्या मृत्यूचा बदला घ्यायला सज्ज झाला आहे. (Mirzapur Season 3) त्यामुळे हा भाग पहायला विशेष मजा येणार. यावेळी ‘मिर्झापूर’च्या तिसऱ्या भागात पंकज त्रिपाठी, अली फजल, श्वेता त्रिपाठी, रसिका दुग्गल, विवान सिंह, ईशा तलवार, शाहनवाज प्रधान, राजेश तैलांग, शीबा चड्ढा, विजय शर्मा हे कलाकार झळकणार आहेत.