MSRTC : गावातील लालपरी म्हणजे एसटी बस प्रवाशांसाठी जीवनवाहिनीच आहे. परंतु, किती वेळा एसटी बस येईल आणि कुठे पोहोचली आहे याची अचूक माहिती मिळत नसल्यानं अनेकदा प्रवाशांना ताटकळत उभं राहावं लागतं. मात्र आता, राज्य परिवहन महामंडळाने (MSRTC) तयार केलेल्या नवीन मोबाईल अ‍ॅपद्वारे, एसटी बसची लाइव लोकेशन मिळवणं सोपं होणार आहे.
राज्य मार्ग परिवहन (एसटी) महामंडळाने विकसित केलेल्या अॅपवर प्रवाशांना त्यांच्या तिकिटावरील क्रमांकाच्या माध्यमातून ‘लालपरी’चे लाइव्ह लोकेशन कळणार आहे. बस स्टॅन्डवर कधी येईल, हे अचूक समजणार असल्याने त्यांना बससाठी ताटकळावे लागणार नाही. एसटीच्या ताफ्यातील सर्वच बसगाड्यांना व्हेईकल ट्रॅकिंग सिस्टिम (व्हीएलटी) बसविल्यावर अॅपवर बसची माहिती उपलब्ध होणार आहे. तांत्रिक बाबी पूर्ण झाल्यावर येत्या काही आठवड्यांत ही सुविधा सुरू होण्याची शक्यता आहे.
नवीन अ‍ॅप सुविधा: राज्य परिवहन महामंडळाने एसटी बसच्या लाइव्ह (MSRTC) लोकेशनसाठी एक अ‍ॅप तयार केले आहे, ज्यामुळे प्रवाशांना बसच्या स्थानाची अचूक माहिती मिळणार आहे.
व्हीएलटी प्रणाली: बसच्या प्रत्येक गाडीत व्हेईकल ट्रॅकिंग सिस्टिम (व्हीएलटी) बसवण्यात आले आहे, ज्यामुळे प्रवाशांना बस कुठपर्यंत पोहोचली आहे याची माहिती मिळेल.
‘ट्रॅक बस’ फिचर: प्रवाशांना त्यांच्या तिकिटावरील ट्रिप कोडद्वारे बसचे स्थान समजणार (MSRTC) आहे. यामध्ये इतर मार्गावरील थांबे आणि बसचे आगमन वेळाही समजेल.
नियंत्रण कक्ष: मुंबई सेंट्रलच्या नवीन नियंत्रण कक्षातून राज्यभरातील एसटी वाहतुकीवर नियंत्रण ठेवता येईल.
आपत्कालीन सुविधा: बस बिघडल्यास किंवा अपघात झाल्यास, प्रवाशांना अ‍ॅपच्या (MSRTC) माध्यमातून त्वरित यंत्रणेला संपर्क साधता येईल.
चालक आणि वाहक माहिती: अ‍ॅपमध्ये चालक व वाहकांची माहिती उपलब्ध होईल, तसेच मार्गावर बसच्या स्थितीचा आढावा घेता येईल.
या सुविधेमुळे एसटी बस सेवा अधिक सोयीस्कर, स्मार्ट आणि प्रवाशांच्या अनुकूल होईल.
