हॅलो महाराष्ट्र ऑनलाइन | आयपीएलच्या लिलाव प्रक्रियेवेळी 5 वेळचे चॅम्पियन राहिलेल्या मुंबई इंडिअन्सच्या संघाने खूप मोठा डाव टाकला नाही. मुंबईने मोजकेच खेळाडू विकत घेऊन आर्थिक संतुलनही राखले. मात्र युवा यष्टीरक्षक फलंदाज ईशान किशनची 15.25 कोटींची बोलली ही मुंबई साठी सर्वोच्च ठरली.
लिलावाच्या पहिल्या दिवशी मुंबईने फक्त 2 च खेळाडूंना घेतलं. मुंबईने डोक्याने प्लॅनिंग करून आपले भरपूर पैसे दुसऱ्या दिवशी साठी राखून ठेवले होते. त्यानंतर दुसऱ्या दिवशी जोफ्रा आर्चर या बड्या खेळाडूला मुंबईने 8 कोटींना खरेदी केले. आणि अष्टपैलू खेळाडू टीम डेव्हिड ला संघात घेऊन हार्दिक पंड्याची कमतरता देखील भरून काढली.
बेबी एबी डीविलीर्स म्हणून ओळखला जाणारा डेवॉल्ड ब्रेव्हिस ला संघात सामील करून मुंबईने फलंदाजी मध्ये बळकटी आणली. तसेच जयदेव उनाडकट आणि टायमल मिल्स ला संघात घेऊन गोलंदाजी अजून मजबूत केली आहे.
अशी आहे मुंबईची नवी टीम-
रोहित शर्मा, सूर्यकुमार यादव, किरॉन पोलार्ड, जसप्रीत बुमराह, इशान किशन , डेवॉल्ड ब्रेव्हिस बासील थम्पी, मुरुगन अश्विन , जयदेव उनाडकट , मयंक मार्कंडे , एन तिलक वर्मा, संजय यादव , जोफ्रा आर्चर , डॅनिएल सॅम्स , टायमल मिल्स ,टीम डेव्हिड , अनमोलप्रीत सिंग , रमणदीप सिंग , आर्यन जुयल , रिले मेरेडिथ , मोहम्मद अर्षद खान , हृतिक शोकीन , फॅबियन अॅलन , आर्यन जुनाल , अर्जुन तेंडुलकर , राहुल बुद्धी .
