हॅलो महाराष्ट्र ऑनलाईन Mumbai Local Mega Block। लोकल ट्रेनने प्रवास करणाऱ्या मुंबईकरांसाठी महत्वाची बातमी आहे. मध्य रेल्वे, पश्चिम रेल्वे आणि हार्बर लाईन या तिन्ही मार्गावर उद्या रेल्वेचा मेगाब्लॉक असणार आहे. त्यामुळे मुंबईकरांनो, घराबाहेर पडताना हि बातमी वाचूनच बाहेर पडा. ट्रॅक आणि ओव्हरहेड उपकरणांवर महत्त्वपूर्ण देखभालीचे काम करण्यासाठी हा ब्लॉक असणार आहे. त्यानुसार, मध्य रेल्वेकडून छत्रपती शिवाजी महाराज टर्मिनस ते विद्याविहार , हार्बर लाईन वर सीएसएमटी ते चुनाभट्टी-वांद्रे यादरम्यान मेगाब्लॉक घोषित केला आहे. तर पश्चिम रेल्वेवर बोरिवली ते गोरेगाव दरम्यान ब्लॉक असणार आहे.
१) बोरिवली ते गोरेगाव –
बोरिवली आणि गोरेगाव दरम्यान पाच तासांचा जम्बो ब्लॉक (Mumbai Local Mega Block) नियोजित केला आहे. सकाळी १० ते दुपारी ३ पर्यंत हा ब्लॉक असणार आहे. ब्लॉक कालावधीत, बोरिवली आणि चर्चगेट दरम्यान धीम्या मार्गावर धावणाऱ्या अनेक उपनगरीय गाड्या रद्द केल्या जातील, शॉर्ट-टर्मिनेट केल्या जातील किंवा जलद मार्गावर वळवल्या जातील. बोरिवलीच्या पलीकडे धावणाऱ्या हार्बर लाईन गाड्या आणि सेवा सामान्यपणे सुरू राहण्याची अपेक्षा असली तरी, काही लांब पल्ल्याच्या गाड्यांना थोडा विलंब होऊ शकतो.
२) CSMT ते विद्याविहार – Mumbai Local Mega Block
सीएसएमटी मुंबई आणि विद्याविहार दरम्यान सकाळी १०.५५ ते दुपारी ३.५५ वाजेपर्यंत अप आणि डाउन धीम्या मार्गावर ब्लॉक असेल. सीएसएमटी मुंबईहून सकाळी १०.४८ ते दुपारी ३.४५ वाजेपर्यंत सुटणाऱ्या डाउन धीम्या सेवा सीएसएमटी मुंबई आणि विद्याविहार स्थानकांदरम्यान डाउन जलद मार्गावर वळवल्या जातील आणि भायखळा, परळ, दादर, माटुंगा, सायन आणि कुर्ला स्थानकांवर थांबतील आणि पुढे विद्याविहार स्थानकावर डाउन धीम्या मार्गावर वळवल्या जातील.
३) CSMT ते चुनाभट्टी / वांद्रे-
सीएसएमटी ते चुनाभट्टी / वांद्रे हार्बर लाईन वर सकाळी ११.४० ते दुपारी ४.४० पर्यंत मेगा ब्लॉक राहील. त्यामुळे सीएसएमटीहून सकाळी ११.१६ ते दुपारी ४.४७ पर्यंत वाशी / बेलापूर / पनवेलला जाणाऱ्या डाउन हार्बर लाईन सेवा आणि सीएसएमटीहून सकाळी १०.४८ ते दुपारी ४.४३ पर्यंत वांद्रे / गोरेगावला जाणाऱ्या डाउन हार्बर लाईन सेवा बंद राहतील. पनवेल/बेलापूर/वाशीहून सकाळी ९.५३ ते दुपारी ३.२० पर्यंत सीएसएमटीसाठी यूपी हार्बर लाईन सेवा आणि गोरेगाव/वांद्रेहून सकाळी १०.४५ ते संध्याकाळी ५.१३ पर्यंत सीएसएमटीसाठी यूपी हार्बर लाईन सेवा बंद राहतील. पनवेल ते कुर्ला दरम्यान कुर्ला फलाट क्र. आठ वरून विशेष लोकल फेऱ्या चालवण्यात येणार आहेत. ब्लॉक काळात (Mumbai Local Mega Block) सकाळी १०.०० ते सायंकाळी ६.०० वाजेपर्यंत हार्बर मार्गावरील प्रवाशांना मुख्य मार्ग आणि पश्चिम रेल्वेने प्रवास करण्याची परवानगी आहे.
