Mumbai Local : रविवारी बाहेर पडण्याआधी आवश्य पहा रेल्वेचे वेळापत्रक; मध्य ,पश्चिम मार्गावर ‘मेगाब्लॉक’

Mumbai Local : मुंबईकरांसाठी लोकल खूप महत्वाची आहे. जर रविवारी तुम्ही कुठे सुट्टीनिमित्त लोकलने प्रवास करणार असाल तर ही बातमी तुमच्यासाठी महत्वाची आहे. कारण रविवारी मध्य आणि पश्चिम रेल्वेवर मेगाब्लॉक घेण्यात आला आहे. अभियांत्रिकी आणि देखभालीची कामे पूर्ण करण्याकरिता हा मेगाब्लॉक घेण्यात आला आहे. यामुळे काही गाड्या उशिरा तर काही गाड्या रद्द (Mumbai Local) करण्यात आल्या आहेत.

मध्य रेल्वे मार्ग (Mumbai Local)

• हा मेगाब्लॉक माटुंगा – ठाणे अप आणि डाऊन धीम्या मार्गावर मेगाब्लॉक असणार आहे.
• हा मेगाब्लॉक सकाळी 11.05 ते दुपारी 3.35 वाजेपर्यंत असणार आहे.
• मेगाब्लॉक कालावधीत सीएसएमटीवरून सुटणारी आणि सीएसएमटीकडे येणारी अप आणि डाऊन धीम्या मार्गावरील लोकल माटुंगा – ठाणेदरम्यान अप आणि डाऊन जलद मार्गावर वळवण्यात येतील.
• त्यामुळे या लोकल विद्याविहार, कांजुरमार्ग, नाहूर या स्थानकात थांबणार नाहीत.

पश्चिम

• पश्चिम मार्गावरील बोरिवली-गोरेगाव अप आणि डाऊन धीम्या मार्गावर मेगाब्लॉक असणार आहे.
• हा मेगाब्लॉक सकाळी 10 ते दुपारी 3 वाजेपर्यंत असणार आहे. ब्लॉक कालावधीत बोरिवली – गोरेगाव अप आणि डाऊन धीम्या मार्गावरील सर्व लोकल जलद मार्गावर वळवण्यात येणार असून काही लोकल रद्द करण्यात येणार आहेत.
• अंधेरी आणि बोरिवली लोकलला हार्बर मार्गावरून चालवण्यात येईल. तसेच बोरिवली फलाट क्रमांक 1 ते 4 वरून (Mumbai Local) धावेल.

हार्बर (Mumbai Local)

• सीएसएमटी – चुनाभट्टी / वांद्रे अप आणि डाऊन मार्गावर हार्बर मार्गावर मेगाब्लॉक असणार आहे.
• हा मेगाब्लॉक सकाळी 11.10 ते दुपारी 4.40 वाजेपर्यंत मेगाब्लॉक असणार आहे.
• मेगाब्लॉक कालावधीत सीएसएमटी, वडाळा रोड ते वाशी, बेलापूर, पनवेल अप आणि डाऊन लोकल रद्द करण्यात आल्या आहेत.
• सीएसएमटी – वांद्र,गोरेगाव अप आणि डाऊन लोकल रद्द करण्यात आल्या आहेत.
• पनवेल – कुर्लादरम्यान विशेष लोकल फेऱ्या धावतील.
• हार्बर मार्गावरील प्रवाशांना ब्लॉक कालावधीत सकाळी 10 ते सायंकाळी 6 वाजेपर्यंत मध्य आणि पश्चिम रेल्वेवरून प्रवास (Mumbai Local) करता येणार आहे.

गर्डरच्या उबारणीचा परिणाम (Mumbai Local)

• पश्चिम रेल्वेवरील चर्चगेट ते मरिन लाइन्सदरम्यान वानखेडे पादचारी पुलाच्या मुख्य गर्डरची उभारणीसाठी शनिवारी रात्री 1.10 ते पहाटे 4.10 वाजेपर्यंत तीन तासांचा ब्लॉक असल्याने अनेक लोकल अंशत: रद्द करण्यात आल्या आहेत.
• रात्री 11.49 ची विरार – चर्चगेट, रात्री 12.05ची विरार – चर्चगेट, रात्री 12.30 ची बोरिवली – चर्चगेट, रात्री 12.10 ची बोरिवली – चर्चगेट लोकल मुंबई सेंट्रलपर्यंत तर पहाटे 4.15 ची विरार आणि 4.18 ची बोरिवली मुंबई सेंट्रलवरून सुटेल. रात्री 11.30 ची विरार – चर्चगेट शेवटची (Mumbai Local) लोकल असेल.