Mumbai News : 24 तास धावपळीत असणाऱ्या मुंबईकरांना आपल्या इच्छित स्थळी पोहोचवण्यासाठी लोकल बरोबरच ‘बेस्ट’चा पर्याय हा उत्तम आहे. आपल्या इच्छित स्थळी पोहोचण्यासाठी हजारो प्रवासी दररोज ‘बेस्ट’ चा वापर करतात. मात्र आगामी काळामध्ये बेस्टच्या प्रवाशांच्या खिशाला कात्री लागण्याची शक्यता आहे. कारण बेस्टच्या भाडे दरात वाढ होण्याची शक्यता व्यक्त करण्यात येत आहे. मुंबई शहर आणि उपनगरांमध्ये बस सेवा पुरवणाऱ्या बेस्ट (Mumbai News) कडून तिकीट दरात वाढ केली जाणार असल्याचे संकेत देण्यात आले आहेत.
काय आहे कारण ? (Mumbai News)
मुंबई महानगरपालिकेकडून बेस्ट साठी अर्थसहाय्य देण्यास नकार मिळाल्यामुळे बेस्टच्या भाडे दरात वाढ करण्याशिवाय कोणताही पर्याय उपलब्ध नसल्याचं सांगण्यात येत आहे. आर्थिक तूट भरून काढण्यासाठी केवळ तिकीट दरात वाढ करणे पर्याय असल्याचं सूत्रांच्या माहितीनुसार सांगण्यात येत आहे. ही दरवाढ किती असेल तर सध्याच्या किमान पाच रुपये भाड्यामध्ये येत्या काळामध्ये किमान दोन रुपये वाढ करण्याची शक्यता वर्तवण्यात येत आहे.
दरम्यान 2019 मध्ये बेस्ट ने पाच किलोमीटरच्या अंतरासाठी किमान भाडे सात रुपये वरून पाच रुपयांवर आणले होते तर एसी बसेस साठी किमान दर सहा रुपये ते दहा रुपये ठेवण्यात आले होते. त्यामुळे प्रवाशांना तर मोठा दिलासा मिळाला मात्र बेस्ट (Mumbai News) ला तोटा सहन करावा लागला. बेस्टला होणाऱ्या नुकसानातून बाहेर काढण्यासाठी मुंबई महापालिकेने सहा महिन्यांच्या तत्वावर सहाशे कोटी रुपये देण्याचे मान्य केले होते. मात्र पालिकेने बेस्ट ला आर्थिक हातभार लावण्यापासून माघार घेतल्यामुळे बेस्टच्या अडचणी आणखी वाढणार असल्याचं चित्र दिसत आहे. त्यामुळेच येत्या काळात बेस्ट (Mumbai News) कडून भाडेवाढचा निर्णय घेतला जाऊ शकतो.
लोकसभा निवडणुकीनंतर आता विधानसभेच्या निवडणुकीची वातावरण निर्मिती होत आहे. त्या धरतीवर हे दर वाढ लांबण्याची चिन्ह आहेत. मात्र ही दरवाढ अटळ असल्याचं बोललं जात आहे. त्यामुळे बेस्टच्या (Mumbai News) प्रवाशांना आर्थिक फटका बसणार आहे.