Mumbai News: मुंबईच्या उपनगरांमधून दररोज मुंबईत प्रवास करणाऱ्यांसाठी एक आनंदाची बातमी आहे. मुंबई महानगर क्षेत्रात नवीन एक्सप्रेसवे बांधण्यात येणार आहे. हा एक्सप्रेसवे मुंबई, नवी मुंबई आणि नवी मुंबई आंतरराष्ट्रीय महामार्गाला कल्याण, डोंबिवली, उल्हासनगर, अंबरनाथ आणि बदलापूरशी जोडेल. या महामार्गावर तीन बोगदे आणि पाच अंडरपास असतील. संपूर्ण मार्ग 20 किमी लांब असेल आणि त्यावर चार इंटरचेंज असतील. या प्रकल्पासाठी सुमारे 200 हेक्टर जमीन संपादित करावी लागणार असून, एकूण अंदाजे खर्च 10,833 कोटी (Mumbai News) रुपये असेल.
एक्सप्रेसवेच्या बांधकामासाठी टेंडर जारी
कल्याण, डोंबिवली, बदलापूर, अंबरनाथ आणि उल्हासनगरसारख्या उपनगरांमध्ये लोकसंख्या झपाट्याने वाढत आहे, त्यामुळे वाहतूक कोंडीचा मोठा प्रश्न निर्माण झाला आहे. हा नवीन एक्सप्रेसवे त्या भागातील प्रवाशांसाठी अत्यंत महत्त्वाचा ठरणार आहे. मुंबई महानगर प्रदेश विकास प्राधिकरण (MMRDA) ने या सीमित प्रवेश असलेल्या एक्सप्रेसवेच्या बांधकामासाठी टेंडर जारी केले आहे. या प्रकल्पासाठी सविस्तर अहवाल तयार करण्यासाठी हा टेंडर देण्यात आला आहे.
एक्सप्रेसवेवर असणार चार इंटरचेंज (Mumbai News)
रिपोर्टनुसार, हा महामार्ग बदलापुरहून सुरू होईल आणि मुंबई-दिल्ली महामार्गाशी जोडला जाईल. तसेच, मुंबई-वडोदरा रोड, कटाई-बदलापूर मार्ग आणि कल्याण रिंग रोड याचाही समावेश असेल. हा एक्सप्रेसवे कल्याण रिंग रोड आणि कल्याण-शिळफाटा रोडला जोडणार आहे, त्यामुळे वाहतुकीचा प्रवाह अधिक सुरळीत होईल
पहिला इंटरचेंज – अंबरनाथमधील पालेगाव येथे
दुसरा इंटरचेंज – कल्याण पूर्वेतील हेदूतने येथे
अंतर कमी होणार, वाहतूक कोंडीला दिलासा मिळणार (Mumbai News)
हा एक्सप्रेसवे नवी मुंबई आंतरराष्ट्रीय विमानतळ आणि नवी मुंबई विमानतळ प्रभाव अधिसूचित क्षेत्र (NAINA) यांच्यामधील कनेक्टिव्हिटी सुधारेल.
मुंबई आणि नवी मुंबई उपनगरांतील प्रवासाचा वेळ लक्षणीय कमी होणार आहे. या मार्गामुळे ठाणे आणि आसपासच्या भागांतील वाहतूक कोंडीची समस्या सुटण्यास मदत होईल. हा महामार्ग ८ लेनचा महामार्ग असून यावर गती मर्यादा ८० किमी/तास असेल.
एक्सप्रेसवेवर ३ बोगदे आणि ५ अंडरपास (Mumbai News)
हा महामार्ग प्रवासासाठी अधिक सोयीचा होईल कारण त्यावर तीन बोगदे आणि पाच अंडरपास असतील. या महामार्गाची एकूण लांबी – २० किमी असून याला
एकूण ४ इंटरचेंज असतील. या प्रकल्पासाठी २०० हेक्टर जमीन संपादित केली जाणार आहे. या प्रकल्पासाठी एकूण खर्च – १०,८३३ कोटी रुपये
या एक्सप्रेसवेवर ८ लेन्स असतील, त्यामुळे वाहतूक वेगाने आणि सुरक्षित होईल. या मार्गावर वाहने येथे ८० किमी/तास वेगाने धावू शकतील. हा प्रकल्प अहवाल ३१ जानेवारी रोजी सादर केला जाणार आहे. या प्रकल्पाच्या टेंडरसाठी ऑनलाईन अर्ज करण्याची शेवटची तारीख १७ फेब्रुवारी आहे.
हा नवीन एक्सप्रेसवे मुंबई, नवी मुंबई आणि ठाणे या भागांतील प्रवास सुलभ, वेगवान आणि सुरक्षित करेल. वाहतूक कोंडी दूर करण्यासोबतच, हा प्रकल्प आर्थिक आणि औद्योगिक विकासालाही गती देईल अशी आशा आहे.
