नवी दिल्ली | आपल्या वादांकित भाषणाने नेहमी चर्चेचा विषय ठरणाऱ्या मायावती आणि उत्तर प्रदेशाचे मुख्यमंत्री योगी आदित्यनाथ यांच्या प्रचार कार्यावर निवडणूक आयोगाने बंदी घातली आहे. भडकावू भाषण करण्याचा निकष पुढे करत निवडणूक आयोगाने हि कार्यवाही केली आहे.
मुख्यमंत्री योगी आदित्यनाथ यांच्या भाषण आणि प्रचार कार्यावर निवडणूक आयोगाने ७२ तास बंदी घातली आहे. तर मायावतींच्या भाषण आणि प्रचार कार्यावर ४८ तास बंदी घालण्यात आली आहे.
Election Commission bans UP CM Yogi Adityanath and BSP chief Mayawati from election campaigning for 72 hours & 48 hours respectively, starting from 6 am tomorrow, for violating Model Code of Conduct by making objectionable statements in their speeches. #LokSabhaElections2019 pic.twitter.com/j1cYzMY8Mr
— ANI UP/Uttarakhand (@ANINewsUP) April 15, 2019
काय म्हणाले होते योगी आदित्यनाथ
मुख्यमंत्री योगी आदित्यनाथ यांनी भारतीय सेनेला मोदींची सेना असे म्हणले होते. त्यांच्या या वक्तव्याला निवडणूक आयोगाने अक्षेपार्य मानले होते. याबद्दल त्यांना नोटीस देखील पाठवली होती. त्यानंतर आता निवडणूक आयोगाने त्यांच्या भाषणाला ७२ तास बंदी घातली आहे.
काय म्हणाल्या होत्या मायावती
सहारनपूर येथे मुस्लीम मतदारांना उद्देशून मायावती म्हणाल्या होत्या कि मतांच्या विभाजनापासून सावध रहा. या विधानावर वाद निर्माण झाल्यावर आपण हे विधान मुस्लीम मतदारांना उद्देशून केले नव्हते. तर ते बहुजन समाजाला उद्देशून केले होते असे मायावती म्हणाल्या होत्या. मात्र त्यांचा हा युक्तिवाद निवडणूक आयोगाच्या पचनी पडला नाही. परिणामी निवडणूक आयोगाने मायावती यांना देखील भाषण करण्यास ४८ तास मज्जाव केला आहे. सदरची बंदी हि १६ एप्रिल पासून सुरु होणार आहे.
