हॅलो महाराष्ट्र ऑनलाईन। (New Serial) मराठी अभिनेता सुबोध भावे मोठ्या ब्रेकनंतर पुन्हा एकदा छोट्या पडद्यावर प्रेक्षकांच्या भेटीसाठी येत आहे. ‘तू भेटशी नव्याने’ असे त्याच्या नव्या मालिकेचे नाव आहे. ही मालिका लवकरच सोनी मराठी वाहिनीवर सुरु होणार आहे. या मालिकेत सुबोध भावेसोबत प्रसिद्ध टीव्ही अभिनेत्री शिवानी सोनार मध्यवर्ती भूमिकेत झळकणार आहे. या मालिकेचा पहिला प्रोमो सोशल मीडियावर रिलीज झाल्यापासून प्रेक्षकांमध्ये मालिकेबाबत विशेष उत्सुकता आहे. अशातच आता या मालिकेचे शीर्षक गीत रिलीज झाले आहे.
‘तू भेटशी नव्याने’ मालिकेचे शीर्षक गीत लॉन्च (New Serial)
सोनी मराठीवर येत्या ८ जुलै २०२४ पासून सुरु होणाऱ्या ‘तू भेटशी नव्याने’ या मालिकेचे शीर्षक गीत नुकतेच रिलीज झाले आहे. सोनी मराठीच्या अधिकृत सोशल मीडिया इंस्टाग्राम हँडलवर या गाण्याचा एक लिरिकल व्हिडीओ शेअर करण्यात आला आहे.
सोबत कॅप्शनमध्ये लिहिले आहे की, ‘नव्याने तू बहरतेस, नव्याने तू उमगतेस… प्रेमाच्या या वाटेवर, तू भेटशी नव्याने…’. हे गाण्याचे बोल आहेत. अत्यंत श्रवणीय असे हे गाणे प्रसिद्ध गायक अभय जोधपूरकर आणि गायिका आनंदी जोशी यांनी गायले आहे.
प्रेक्षकांची पसंती
‘तू भेटशी नव्याने’ या मालिकेचे शीर्षक गीत काही तासांपूर्वीच लॉन्च करण्यात आले आहे. सोशल मीडियावर हे शीर्षक गीत प्रचंड व्हायरल होत असून प्रेक्षकांची चांगली पसंती मिळवत आहे. अनेकांनी या व्हिडिओवर कमेंट करत शीर्षक गीताला आपली पसंती दर्शवली आहे. (New Serial) एका युजरने म्हटलंय, ‘फार गोड चाल….. व गायलं ही छान!’ तर अन्य एकाने लिहिलंय, ‘WOW ! खुपचं मस्त ! आतुरता आतुरता आणि आतुरता’. तसेच आणखी एका नेटकऱ्याने लिहिलं आहे, ‘मस्त आवाज गाणे पण भारी आवडले बरं का’.
छोट्या पडद्यावर AI तंत्रज्ञानाचा वापर
सुबोध भावे आणि शिवानी सोनार यांच्या ‘तू भेटशी नव्याने’ मालिकेसाठी पहिल्यांदाच छोट्या पडद्यावर AI तंत्रज्ञानाचा वापर करण्यात आला आहे. मालिकेच्या कथानकात ऐन चाळीशीतला प्राध्यापक ज्याचं नाव अभिमन्यू आहे आणि विशीतला तरुण माही अशी दोन पात्र आपल्या भेटीस येत आहेत. या दोन्ही भूमिका सुबोध भावे साकारतो आहे. (New Serial) मालिकेत AI तंत्रज्ञानाच्या माध्यमातून माही म्हणजेच तरुण सुबोध दाखवला जाणार आहे. दरम्यान पहिल्या प्रोमोत याची झलक दिसली होती आणि तेव्हपासूनच प्रेक्षकांमध्ये या मालिकेबाबत उत्सुकता निर्माण झाली आहे.