नवी दिल्ली । नॅशनल पेन्शन सिटीम (NPS) खातेधारकांना गेल्या पाच वर्षांत अनेक पेन्शन फंड योजनांमधून बंपर रिटर्न मिळाला आहे. तीन वर्षांच्या कालावधीत, या योजनांनी 18 टक्क्यांहून जास्तीचा रिटर्न दिला आहे, तर पाच योजनांनी 16 टक्क्यांहून जास्त रिटर्न दिले आहे.
NPS अंतर्गत, ग्राहक दोन प्रकारची खाती उघडू शकतो, टियर 1 आणि टियर 2. या खात्यांमधील मासिक योगदान फंड मॅनेजर्स विविध पेन्शन फंड योजनांमध्ये गुंतवतो. त्यांच्याकडून मिळालेला रिटर्न ग्राहकांना रिटायरमेंट नंतर उपलब्ध असतो. संपूर्ण सर्व्हिस कालावधीत या फंडांमधून मिळणारा रिटर्न जितका जास्त असेल तितके ग्राहकांना मोठा फंड तयार करण्यास मदत होईल. अनेक सरकारी आणि खाजगी कंपन्यांच्या पेन्शन फंड योजनांनी गेल्या तीन वर्षांत 18 टक्क्यांहून जास्त रिटर्न दिला आहे. पाच वर्षांच्या कालावधीत त्यावरील रिटर्न मध्ये किंचित घट झाली असली तरी, त्यांनी 16 टक्क्यांहून जास्तीची कमाई केली. गेल्या एका वर्षात 25 टक्क्यांहून जास्त रिटर्न देण्यात आला आहे.
मजबूत कामगिरी करणारे टॉप 5 पेन्शन फंड
– कोटक पेन्शन फंड स्कीम ई-टियर 1 ने एका वर्षात 25.50 टक्के, तीन वर्षांत 18.70 टक्के आणि पाच वर्षांत 16 टक्के इतका मजबूत रिटर्न दिला आहे.
– HDFC पेन्शन मॅनेजमेंट कंपनी लिमिटेड स्कीम ई-टियर 2 ने एका वर्षात 22.30 टक्के, तीन वर्षांत 18.40 टक्के आणि पाच वर्षांत 16.60 टक्के असा जबरदस्त रिटर्न दिला आहे.
– कोटक पेन्शन फंड योजना ई-टियर 2 ने देखील एका वर्षात 25.4 टक्के, तीन वर्षांत 18.40 टक्के आणि पाच वर्षांत 15.90 टक्के रिटर्न दिला आहे.
– ICICI प्रुडेन्शियल पेन्शन फंड योजना ई-टियर 1 ने एका वर्षात 22.60 टक्के, तीन वर्षांत 17.90 टक्के आणि पाच वर्षांत 15.80 टक्के रिटर्न दिले आहे.
– ICICI प्रुडेन्शियल पेन्शन फंड स्कीम ई-टियर 2 ने देखील एका वर्षात 22.60 टक्के, तीन वर्षांत 17.90 टक्के आणि पाच वर्षांत 15.90 टक्के रिटर्न दिला आहे.
‘हे’ फंड कमकुवत राहिले, झिरो रिटर्न दिला
– LIC पेन्शन फंड योजना A- टियर 2 ने गेल्या एक, तीन आणि पाच वर्षांत झिरो रिटर्न दिला आहे.
– NPS ट्रस्ट खाते एचडीएफसी पेन्शन मॅनेजमेंट कंपनी लिमिटेड योजनेतही गेल्या पाच वर्षांत झिरो रिटर्न होता.
– UTI रिटायरमेंट सोल्युशन्स पेन्शन फंड योजना- कॉर्पोरेट CG ने देखील पाच वर्षात कोणतेही रिटर्न दिले नाही.
– UTI रिटायरमेंट सोल्युशन्स पेन्शन फंड स्कीम A- टियर 2 च्या गुंतवणूकदारांना देखील एक आणि तीन वर्षात कोणताही रिटर्न मिळू शकला नाही तर पाच वर्षांमध्ये त्यांचा रिटर्न उणे 0.30% होता.
– SBI पेन्शन फंड स्कीम ए-टियर 2 चे रिटर्न देखील एक आणि तीन वर्षात झिरो होते तर पाच वर्षांत ते उणे 0.30% वर पोहोचले होते.
