दुसऱ्या दिवशी 1 लाख 70 हजार विद्यार्थ्यांनी दिली पदवीची परीक्षा

औरंगाबाद | डॉ. बाबासाहेब आंबेडकर मराठवाडा विद्यापीठाच्या वतीने अभियांत्रिकी, फार्मसीसह विविध व्यावसायिक अभ्यासक्रमांसह बी.ए, बीएस्सी व बीकॉमच्या १ लाख ७० हजार विद्यार्थ्यांनी दुसऱ्या दिवशी परीक्षा दिली. डॉ. बाबासाहेब आंबेडकर मराठवाडा विद्यापीठातील बी.ए, बीएस्सी व बीकॉम प्रथम वर्षाची परीक्षा सात एप्रिलपासून सुरळीतपणे सुरु झाल्या आहेत. परांपरागत पदवी अभ्यासक्रमाच्या द्वितीय व तृतीय वर्षांच्या अभ्यासक्रमाच्या परीक्षा १६ मार्चपासून तर ६ एप्रिलपासून सर्व व्यावसायिक अभ्यासक्रमांच्या परीक्षा सुरु झाल्या आहेत.

कुलगुरु डॉ. प्रमोद येवले यांच्या मार्गदर्शनाखाली ऑनलाईन व ऑफलाईन पद्धतीने परीक्षा घेण्यात येत आहेत. परीक्षा केंद्रावर ‘कोविंड संदर्भात योग्य ती उपाययोजना‘ व फिजीकल डिस्टिन्सिंग ठेऊन परीक्षा घेण्याची सूचना कुलगुरु डॉ. प्रमोद येवले यांनी दिल्या आहेत. व्यावसायिक अभ्यासक्रमाच्या १४ हजार ९४३ विद्यार्थ्यांनी नोंदणी केली आहे. १६ मार्चपासून सुरु झालेल्या पदवी अभ्यासक्रमाच्या परीक्षेस १ लाख २७ हजार १८७ परीक्षार्थी आहेत. तर ७ एप्रिल रोजी सुरु झालेल्या बीए, बीएस्सी व बीकॉम प्रथम वर्षाच्या परीक्षेस एकुण ७६ हजार ४९० विद्यार्थी आहेत. यामध्ये बी.ए चे ३० हजार ७९१, बी.एस्सीचे २९ हजार ५०० व बी.कॉमचे १६ हजार १९९ विद्यार्थी आहेत.

पदवी अभ्यासक्रमाच्या परीक्षा सुरु होऊन तीन आठवड्यांचा कालावधी लोटला आहे. या काळात विविध अभ्यासक्रमांचे २ लाख १८ हजार ६२० विद्यार्थी ऑनलाईन व ऑफलाईन परीक्षा देत आहेत. २५० महाविद्यालये होम सेंटर आहेत. मंगळवारी १ लाख ३६ हजार ६५९ विद्यार्थ्यांनी परीक्षा दिली. तर बुधवारी एकूण १ लाख ७० हजार ३७५ विद्यार्थ्यांनी ऑनलाईन व ऑफलाईन पध्दतीने परीक्षा दिली. या मध्ये १ लाख २५ हजार ७३० जणांनी ऑफलाईन पध्दतीने २५० केंद्रांवर परीक्षा दिली. तर ४४ हजार ६४५ विद्याथ्र्यांनी ऑनलाईन पध्दतीने परीक्षा दिली. या दोन दिवसात मिळून ३ लाख ६ हजार ९३४ जणांनी परीक्षा दिली, अशी माहिती परीक्षा व मुल्यमापन मंडळाचे संचालक डॉ. योगेश पाटील यांनी दिली.

औरंगाबाद जिल्ह्यासह राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा

Click Here to Join Our WhatsApp Grou

You might also like