हॅलो महाराष्ट्र ऑनलाईन | आजकाल सोशल मीडियाचा वापर मोठ्या प्रमाणात केला जातो. तरुण पिढीतील तर सोशल मीडियाचे अक्षरशः वेड लागलेले आहे. सोशल मीडियावर रील्स बनवणे, त्या व्हायरल होणे. यासारख्या गोष्टी सर्रास घडत असतात. परंतु आता या रील्स बनवण्याच्या आवडीमुळे तुम्ही नक्कीच लखपती होऊ शकता. कारण आजची ही बातमी तुमच्यासाठी खूप महत्त्वाची आहे. जर तुम्ही देखील चांगले रील्स बनवत असाल, आणि चित्रपटात काम करण्याची तुम्हाला आवड असेल, तर आता तुम्ही रील्सच्या माध्यमातून चांगले पैसे कमवू शकता. कारण आता राष्ट्रीय राजधानी क्षेत्र परिवहन निगम यांच्या वतीने नमो भारत शॉर्ट फिल्म मेकिंग स्पर्धेच्या आयोजन करण्यात आलेले आहे. सगळ्यात महत्त्वाचे म्हणजे ही स्पर्धा सगळ्यांसाठी आहे. कोणीही या स्पर्धेत सहभागी होऊ शकतो. जर तुम्ही या स्पर्धेतील विजयी झाला, तर स्पर्धकाला दीड लाख रुपयांचे बक्षीस जाहीर करण्यात आलेले आहे. तुम्ही या स्पर्धेत सहभागी झाल्यानंतर शॉर्ट फिल्मचा किंवा रील्सचा विषय तुम्ही स्वतः निवडू शकता. तसेच त्याचे कथानक करण्याचा अधिकार त्यांना आहे. परंतु तुम्ही ही शॉर्ट फिल्म किंवा रिलीज बनवताना आरआरटीएस स्टेशन आणि नमो भारत ट्रेन हे क्रिएटिव्ह स्वरूपात दिसले पाहिजे.
या स्पर्धेत सहभागी होण्यासाठी तुम्हाला कोणतेही शुल्क भरावे लागणार नाही. फक्त तुमच्या मधील तुम्हाला गुणवत्ता दाखवायची आहे. यासह स्पर्धेत तुम्ही हिंदी किंवा इंग्रजी भाषेत अर्ज करू शकता. तसेच शॉर्ट फिल्मचे चित्रीकरण देखील हिंदी किंवा इंग्लिश भाषेमध्ये करायचे आहे. या फिल्मचा फॉरमॅट हा mp4 1080p असा आहे.
या स्पर्धेमध्ये महाविद्यालयीन विद्यार्थी देखील सहभाग घेऊ शकता. पहिल्या तीन क्रमांकासाठी बक्षीस देखील ठेवण्यात येणार आहेत. या स्पर्धेमध्ये ज्याचा प्रथम क्रमांक येईल त्याला दीड लाख रुपयांचे बक्षीस मिळणार आहे. दुसऱ्या क्रमांकासाठी एक लाख रुपयांचे बक्षीस मिळणार आहे. तर तिसऱ्या क्रमांकाला पन्नास हजार रुपयांच्या बक्षीस देण्यात येणार आहे. त्याचप्रमाणे प्रथम, द्वितीय तृतीय असलेल्या शॉर्ट फिल्म ह्या एनसीआरटीसी च्या डिजिटल प्लॅटफॉर्मवर देखील दाखवल्या जाणार आहे.
या स्पर्धेत सहभागी होण्यासाठी तुम्हाला एनसीआरटीसी कडे एक अर्ज करावा लागणार आहे. त्यामध्ये तुम्हाला अर्जाचा विषघेताना नमो भारत शॉर्ट फिल्म मेकिंग स्पर्धेसाठी अर्ज असं लिहावं लागणार आहे. या शॉर्ट फिल्मची कथा जास्तीत जास्त तुम्हाला शंभर शब्दात लिहावी लागणार आहे. त्यानंतर तुम्ही त्यांच्या ऑफिशियल मेल आयडीवर अर्ज करू शकता. 20 डिसेंबर 2024 पर्यंत ही या स्पर्धेचा अर्ज करण्यासाठी मुदत ठेवण्यात आलेली आहे.
