पुणे | सुनिल कमल

डॉक्टर पित्याविरुद्ध मानसिक, शारीरिक अत्याचाराचा मुलींचा आरोप, कोंढव्यातील धक्कादायक प्रकार

डॉक्टर पित्याकडुन होणाऱ्या अत्याचाराविरुद्ध आवाज उठवणाऱ्या पत्नीसह दोन मुलींची कोंढवा पोलिसांनी तक्रार न घेतल्याप्रकरणी राज्य महिला आयोगाने तक्रार घेण्याचे आदेश कोंढवा पोलिसांना दिले. आज पत्रकार परिषदेत पीड़ित तरुणी हेबा कुरेशीने ही माहिती दिली. या वेळी वकील आशुतोष श्रीवास्तव, सामाजिक कार्यकर्त्या विद्या म्हात्रे उपस्थित होते.
हेबा ही मेडिकल ची विद्यार्थिनी असून , डिझाइनर सुद्धा आहे. तिची आई माइक्रोबायोलोजिस्ट आहे.
हेबा म्हणाल्या वडील डॉ अहमद कुरैशी यानी मला आणि आईला बेकायदेशीररित्या घराबाहेर काढले. त्यापूर्वीही त्यांनी आमच्यावर अत्याचार केले. दुसऱ्या महिलेला त्यांनी या घरात आणले असून त्यासुद्धा आम्हाला घराबाहेर काढण्यास प्रयत्न करतात. कौंटुंबिक प्रकरणाचे कारण देत आमची तक्रार पोलिसांनी घेतली नाही उलट आम्हाला मारहाण करण्यात आली. कित्येकवेळा आम्ही इतर नातेवाईकांच्या घरी दिवस काढले. आमच्याच घरात आम्हाला जुलमी अत्याचार आणि मानसिक अत्याचार सहन करावा लागतोय.
सदर प्रकरणाची दखल घ्यावी म्हणून सामाजिक कार्यकर्त्या विद्या म्हात्रे यानी महिला आयोगाकड़े तक्रार केली. महिला आयोग अध्यक्षा विजया रहाटकर यांच्या भेटीनंतर आयोगाकडून पिडितेच्या तक्रारीची ठोस अंमलबजावणी होण्यासाठी पोलिसांना आदेश दिले असून पोलिसांच्या भूमिकेवर संशय व्यक्त केला जात आहे.

पुणे | सुरज शेंडगे

सुप्रिया सुळेंनी रस्त्यावरील खड्डयांच्या समस्येवर अनोखा पवित्रा घेतला असून त्यांनी ‘सेल्फी विथ खड्डा’ आंदोलन सुरू केले आहे.रस्त्यावरील खड्डे हा अत्यंत गंभीर प्रश्न बनला असून त्यावर सरकार उदासीन आहे. राज्यात ठिकठिकाणी रस्त्यावरील खड्ड्यांनी अनेक बळी घेतले आहेत.अशी प्रतिक्रिया सुप्रिया सुळे यांनी माध्यमांशी बोलताना दिली आहे.
रस्त्यावर वाढत असलेल्या खड्ड्यावर उपाय म्हणून राज्यसरकारने नवीन मुदत दिली असून डिसेंबर २०१८अखेर राज्यातील रस्त्यावरील सर्व खड्डे बुजवले जातील असे राज्याचे बांधकाम मंत्री चंद्रकांत पाटील यांनी सांगितले आहे.
गेल्या वर्षीही खड्ड्याच्या प्रश्नावर सुप्रिया सुळे अशाच आक्रमक झाल्या होत्या तेव्हा ही त्यांनी सेल्फी विथ खड्डा आंदोलन सुरू केले होते. त्याला सोशल मीडियावर प्रचंड प्रतिसाद मिळाला होता आणि अनेकांनी आपल्या परिसरातील रस्त्यावरील खड्डयांसोबत सेल्फी काढून ‘सेल्फी विथ खड्डा’ या हॅशटॅग खाली सोशल मीडियावर प्रदर्शित केले होते.

मुंबई | ‘सही पोषण, देश रोशन’ या घोषवाक्याने कुपोषणमुक्ती व पालकांमध्ये पोषणाबाबत जनजागृती करण्याच्या उद्देशाने येत्या १ सप्टेंबर ते ३० सप्टेंबर २०१८ ला राज्यात ‘राष्ट्रीय पोषण महिना’ उपक्रम राबविण्यात येणार असल्याची माहिती ग्रामविकास आणि महिला -बालविकास मंत्री पंकजा मुंडे यांनी दिली.

प्रधानमंत्री नरेंद्र मोदी यांच्या प्रेरणेतून देशभरात हा उपक्रम राबविण्यात येणार आहे. महाराष्ट्रात या मोहिमेला लोकचळवळीचे स्वरुप देवून ही मोहीम यशस्वी करण्याचे आवाहन
मंत्री पंकजा मुंडे यांनी केले.

पुण्यातील अण्णाभाऊ साठे सभागृहात उद्या वितरण सोहळा

पुणे | संत साहित्यासाठी तसेच मानवतावादी कार्यासाठी राज्य शासनाच्या वतीने दिला जाणारा आणि सन २०१७-१८ साठी जाहीर झालेला ज्ञानोबा तुकाराम पुरस्कार शुक्रवारी ३१ ऑगस्ट रोजी डॉ.किसन महाराज साखरे यांना प्रदान करण्यात येणार आहे. पुणे येथील अण्णा भाऊ साठे नाट्यगृहात सायंकाळी ६.३० वा हा पुरस्कार वितरण सोहळा होणार आहे.

ज्ञानोबा तुकाराम पुरस्कार –

◆ संत साहित्यावर लेखन किंवा संतांना अभिप्रेत मानवतावादी कार्य करणाऱ्या महनीय व्यक्तीला राज्य शासनाच्या वतीने प्रतिवर्षी ज्ञानोबा तुकाराम पुरस्काराने सन्मानित करण्यात येते.

◆ रुपये ५ लक्ष रोख,मानपत्र तसेच मानचिन्ह असे पुरस्काराचे स्वरुप

◆ यापूर्वीचे पुरस्कार प्राप्त व्यक्ती-

रा. चिं. ढेरे,
डॉ.दादा महाराज मनमाडकर,
जगन्नाथ महाराज नाशिककर,
रामकृष्ण महाराज लहवितकर,
डॉ. यू. म. पठाण,
प्रा. रामदास डांगे,
फादर फ्रान्सिस दिब्रेटो,
मारोती महाराज कुऱ्हेकर,
डॉ. उषा देशमुख
ह.भ.प निवृत्ती महाराज वक्ते

● कोण आहेत डॉ.किसन महाराज साखरे

★ डॉ. किसन महाराज साखरे हे संत वाड्.मयावर अध्यापन करत असून गेली ५७ वर्षापासून अनेक मासिकांमधून तसेच वृत्तपत्रांमधून उपनिषदांपासून ते संत वाड्.मयावर लेखन करीत आहेत.

★ संत ज्ञानदेव अध्यासन समितीचे अध्यक्ष व त्या समितीद्वारे त्यांनी पुणे विद्यापीठामध्ये श्री ज्ञानदेव अध्यासनाची निर्मिती केलेली आहे.

★ आकाशवाणीवर त्यांनी कीर्तनाच्या माध्यमातून समाजप्रबोधनाचे कार्यदेखील केलेले आहे.

★ ज्ञानेश्वरीच्या वेदनिष्ठा, सो्‌हम योग, योगत्रयी प्रवचनमालांवर त्यांनी१०० हून अधिक ग्रंथांचे संपादन केलेले आहे.

★ महाराष्ट्र साहित्य आणि संस्कृती मंडळावर त्यांनी सदस्य म्हणून काम पाहिले आहे.

★ प्रतिवर्षी १ मे ते ३१ मे या कालावधीत विद्यालयीन व महाविद्यालयीन विद्यार्थ्यांना नि:शुल्क संस्कार शिबिराचे आयोजन करत असतात.

★ अनेक संस्थांवर त्यांनी विश्वस्त म्हणून काम पाहिले आहे.

★ ग्रंथराज श्री ज्ञानेश्वरी ही त्यांनी मराठी,हिंदी व इंग्रजी माध्यमातून दृकश्राव्य रुपात इंटरनेट (Internet) वर उपलब्ध करुन देण्याचा पहिला प्रकल्प पूर्ण केलेला आहे.

★ १९९०साली त्यांनी संपूर्ण ज्ञानेश्वरी पावणेतीन क्विंटल ताम्रपटावर कोरुन एक चिरंजीव प्रकल्प पूर्ण केलेला आहे.

★ संत साहित्यातील योगदानाबद्दल त्यांना टिळक महाराष्ट्र विद्यापीठाकडून डी. लिट पदवी प्रदान करण्यात आली आहे तर डी. लिटसाठी होणाऱ्या परीक्षांसाठी त्यांनी परीक्षक म्हणूनही काम पाहिले आहे.

चित्रपटनगरी | येत्या शुक्रवारी (२४ ऑगस्ट) एक थरारपट प्रेक्षकांच्या भेटीला येत असून Searching असं याचं नाव आहे. आपल्या मुलीच्या शोधात वडिलांचा चाललेला संघर्ष या चित्रपटातून दाखविण्यात येणार असल्याचं ट्रेलरमधून लक्षात येतं. तंत्रज्ञानाचा अत्यंत प्रभावी वापर या चित्रपटात करण्यात आला आहे. मुलीच्या लॅपटॉपमधील कोडींगवर तिचा शोध घेण्याची धडपड थक्क करणारी असून प्रेक्षकांना खिळवून ठेवणारीसुद्धा आहे. अनिश चांगटी यांनी या चित्रपटाचे दिग्दर्शन केले असून जॉन चो, डेब्रा मेसिंग, सीन ओब्रायन आणि जोसेफ ली प्रमुख भूमिकेत आहेत.

चित्रपटाचा ट्रेलर पाहण्यासाठी खालील लिंक वर क्लिक करा

https://www.facebook.com/sonypicturesofindia/videos/310887499660801/

मुंबई | अन्न व नागरी पुरवठा, ग्राहक संरक्षण आणि औषध प्रशासन मंत्रालयाचे मंत्री गिरीश बापट यांच्या कार्यालयाला आयएसओ मानांकन मिळाले आहे. महसूल मंत्री चंद्रकांत दादा पाटील यांच्या हस्ते काल त्यांना हे प्रमाणपत्र प्रदान करण्यात आले.

यापूर्वी सुधीर मुनंगट्टीवार यांच्या मंत्रालयाला हे मानांकन मिळाले होते. असे मानांकन मिळवणारे ते महाराष्ट्रातील पहिले मंत्रालय होते.

पुणे |मागील वर्षी पुण्यात झालेल्या सनबर्न फेस्टिव्हलमध्ये बॉम्बस्फोट करण्याचा सनातन संस्थेचा हेतू असल्याची धक्कादायक बातमी समोर आली आहे. संगीताच्या कार्यक्रमात केला जाणारा इलेक्ट्रॉनिक साधनांचा वापर आणि गोंगाट हे हिंदूविरोधी असल्याचं सनातन मानते. त्याचाच भाग म्हणून २०१७ साली झालेल्या कार्यक्रमात बॉम्बस्फोट घडवून आणण्याचा कट रचण्यात आला होता. विशेष न्यायालयातील न्यायाधीश समीर अडकर यांनी ताब्यात घेतलेल्या पाचही आरोपींची पोलीस कोठडी आणखी ७ दिवस वाढविण्याच्या सूचना केल्या आहेत. वैभव राऊत, सुधांवा गोंधळेकर, शरद कळसकर, अविनाश पवार, श्रीकांत पांगारकर ही अटकेत असलेल्या आरोपींची नावे आहेत.

पुणे | ज्ञानयोग सेवा ट्रस्टतर्फे नाट्यमहोत्सव २०१८ चे आयोजन करण्यात आले आहे. दिनांक १ व २ सप्टेंबर रोजी बालगंधर्व येथे हा कार्यक्रम होणार असल्याची माहिती ट्रस्टचे संस्थापक , आयोजक डॉ राजेंद्र खेडेकर यांनी दिली.
खेडेेकर म्हणाले हा उपक्रम आम्ही दरवर्षी घेत असून अवयवदान जनजागृती होण्यासाठी व सैनिक मित्रांचा यथोचित सन्मान करण्याकरता अशा कार्यक्रमाचे आयोजन महत्वाचे आहे. सियाचीन येथे भारतीय सैनिकांसाठी ऑक्सिजन प्रकल्प साकारणारे सैनिक मित्र योगेश चिथडे आणि सुमेधा चिथडे यांच्याबरोबर डॉ परवेज ग्रँट, सदानंद सरदेशमुख , काश्मीर राज्यातील जिल्हाधिकारी डॉ सागर डोईफोड़े, डॉ स्वरूप सावनुर यांचा सन्मानचिन्ह देऊन गौरवण्यात येणार आहे. २ सप्टेंबर रोजी १२:३० वाजता छत्रपती शिवाजी महाराजांच्या मावळयाच्या वेशभुषेत अवयवदानाची शपथ घेणार आहेत. तसेच केरळ आपत्तीग्रस्तांसाठी २५ हजारांचा निधी पुणे ब्लड बँकेच्या सहकार्याने मुख्यमंत्री सहायता निधीस देण्यात येईल.
द्वितीय दिवसीय कार्यक्रमासाठी बाबासाहेब पुरंदरे , पालकमंत्री गिरीश बापट , पोलिस आयुक्त के.व्यंकटेशम, आमदार नीलम गोऱ्हे, श्रीकांत भारतीय आदी उपस्थित राहणार असल्याची माहिती डॉ खेडेेकर यांनी दिली.

पुणे | शैक्षणिक , साहित्यिक, कला, अशा विविध क्षेत्रात दैदीप्यमान कामगिरी केलेल्या बृहन्महाराष्ट्र वाणिज्य महाविद्यालयाला यंदा ७५ वर्षे पूर्ण होत आहेत. त्यानिमित्ताने माजी विद्यार्थ्यांनी रौप्य मुद्रा अनावरण तसेच डॉ सायरस पूनावाला यांना डॉक्टर ऑफ़ ह्यूमन लेटर्स हा सन्मान मिळाल्याबद्दल गौरवण्यात येणार असल्याची माहिती बृहन्महाराष्ट्र वाणिज्य महाविद्यालय माजी विद्यार्थी संघटनेचे कार्याध्यक्ष अरूण निम्हण, कार्यक्रम प्रमुख सचिन नाईक यांनी दिली. यावेळी बाळासाहेब गांजवे,सुरेश केकाणे, राजेंद्र मराठे, किशोर लोहकरे हे देखील उपस्थित होते.
मंगळवार दिनांक ४ सप्टेंबर रोजी सायंकाळी ६ वाजता यशवंतराव चव्हाण नाट्यगृह येथे हा कार्यक्रम पार पडणार आहे.
यप्रसंगी प्रसिद्द अभिनेते मोहन जोशी गाढवाचं लग्न हे वगनाट्य सादर करणार आहेत.
मोहन जोशी म्हणाले ” तब्बल २० वर्षानंतर गाढ़वाच लग्न हे नाटक माजी विद्यार्थी संघटनेच्या आग्रहाखातर करणार आहे. या वगनाट्यात नंदेश उमप यांचा विशेष सहभाग असणार आहे.”
या कार्यक्रमाला प्रमुख उपस्थिति पालकमंत्री गिरीश बापट, के.पी.आय.टी. चे चेअरमन रवि पंडित यांची असणार आहे व अमृतमहोत्सवी गीत राहुल देशपांडे, सावनी शेंडे, बेला शेंडे, भुषण मराठे, गंधार संगोराम गाणार आहेत.