जेजुरी : आज ३९ किलोमीटरचा पल्ला पाई चालून माऊलींची पालखी जेजुरीत जाऊन पोहचली आहे. जेजुरीच्या वेशी पासूनच माऊलीच्या पालखीवर भांडाऱ्याची मुक्त उधळण करण्यात आली. अनेक वर्षाची या मागे परंपरा असल्याचे बोलले जाते. माऊलीच्या चांदीच्या रथावर सोनेरी भंडारा उधळल्याने सोन्याचा झाल्याची अनुभूती वैष्णवांनी अनुभवली. पालखीचा जेजुरीत आज मुक्काम असणार आहे. माऊलीच्या मुक्कामासाठी जेरुरीकरांनी जय्यत तयारी केली असून वैष्णवांच्या सेवेसाठी जेजुरीकर तण मन धन अर्पण करत आहेत.
माऊलींच्या पालखी वरील भांडाऱ्याची उधळण शैव आणि वैष्णवांचे मिलन मानले जाते.

पंढरपूर : दक्षिण काशी आणि लाखो वारकऱ्यांचे श्रध्दा स्थान म्हणुन पंढरपूर ओळखले जाते. पण याच पवित्र स्थळी एक लज्जास्पद बाब घडली आहे. भक्ती नगरी सोबत पंढरीची शिक्षण नगरी म्हणूनही ओळख आहे. याचाच विचार करून राज्य शासनाने समाज कल्याण खात्याचे शासकीय मुलींचे वसतिगृह उभारले. वसतिगृहचा अधिक्षक संदीप प्रभाकर देशपांडे याने मुलींचा विनयभंग केल्याची बाब उजेडात आली आहे. वसतिगृहात शिक्षणासाठी आलेल्या मुलींचे लैगिंक शोषण करून त्यांना वाच्यता करू नये म्हणून धमकवण्याचा प्रकार संदीप देशपांडे करत होता. जीवे मारण्याच्या आणि वसतिगृहातून हाकलून देण्याच्या धमक्या या वसतिगृह अधीक्षकाने दिल्याची कबुली वसतिगृहातील पीडित मुलींनी केली आहे. आरोपीस पंढरपूर पोलिसांनी अटक केली असून या बाबत ते अधिक तपास करत आहेत.

लाहोर : पाकिस्तानमधे सध्या शिख धर्मियांना मोठ्या प्रमाणात टार्गेट केले जात आहे. पाकिस्तानातील शिख धर्मियांना अनेक अडचणींना सामोरे जावे लागत आहे. नुकत्याच हाती आलेल्या माहितीनुसार पाकिस्तानातील पहिला शीख पोलीस अधिकारी गुलाब सिंग याला त्याच्या राहत्या घरातून जबरदस्ती बाहेर हाकलण्यात आले आहे. विषेश म्हणजे असे करण्यामागे पाकिस्तानचे पोलीस खातेच असल्याचे बोलले जात आहे. यावेळी पाकिस्तान पोलीसांनी सिंग यांच्याशी असभ्य वर्तन केले असल्याचे समजत आहे.

लाहोर मधील डेरा चहल परिसरात राहणार्या सिंग यांच्या राहत्या घरात सोमवारी पोलीस आले होते. त्यांनी सिंग यांना त्यांच्या राहत्या घरातून कुटूंबासहीत जबरदस्तीने बाहेर काढले तसेच त्यांना अपमानास्पद वागणूक दिली. यादरम्यानचा पोलीसांसोबतच्या झटापटीचा व्हिडिओ समाजमाध्यमावर व्हायरल झाला असून पाकिस्तान पोलीसांवर टिकेची झोड उठत आहे. ‘चोर – डाकूंसोबत जसे वागितले जाते तसेच पाकिस्तान पोलीस माझ्यासोबत वागले. कसलीही नोटीस अथवा पुर्वकल्पना न देता मला जबरदस्तीने घर खाली करायला लावले’ असे सिंग यांनी म्हटले आहे. ‘मला माझ्या घरातून बाहेरपर्यंत लोळवत आणण्यात आले, माझ्या डोक्यावरची पगडी काढून टाकण्यात आली तसेच माझे केस विस्कटले गेले.’ असेही सिंग यांनी म्हटले आहे. ‘मी १९૪७ सालापासून इथे राहतो आहे, मला घर रिकामे करण्याकरता दहा मिनिटे तरी द्या’ अशी विनवणी करुन सुद्धा माझे कोणीच एकले नाही असे सिंग यांनी एका व्हिडिओत म्हटले आहे. याप्रकरणामुळे पाकिस्तानातील अल्पसंख्यांकांचे प्रश्न पुन्हाएकदा एरणीवर आले आहेत.