हॅलो महाराष्ट्र ऑनलाईन। (Petha Sweet Benefits) उन्हाळ्यात आपल्याला आरोग्याची विशेष काळजी घावी लागते. कारण या दिवसात तापमान सर्वाधिक असल्याने आरोग्यविषयक बऱ्याच समस्या होण्याची शक्यता असते. म्हणून उन्हाळ्याच्या दिवसात आपल्याला आपल्या आहारात कोणते पदार्थ घ्यावे आणि कोणते पदार्थ घेऊ नये याविषयी माहिती असणे गरजेचे असते. बऱ्याच लोकांना जेवणानंतर गोड खाण्याची सवय असते. मग ते गोड पान असो, आईस्क्रीम असो किंवा एखादा पदार्थ. तुम्हालाही गोड खाण्याची आवड असेल तर उन्हाळ्याच्या दिवसात तुम्ही पोटाला थंडावा देणारा रसरशीत पेठा खाऊ शकता. याचे बरेच फायदे आहेत.
पेठा ही आग्र्याची प्रसिद्ध मिठाई आहे. जी आजकाल कुठेही सहज उपलब्ध होते. मुख्य म्हणजे ही मिठाई साठवल्याने लवकर खराब होत नाही. त्यामुळे फ्रिजमध्ये ठेवून खाण्याची गरज पडत नाही. (Petha Sweet Benefits) बर्फासारखा दिसणारा पेठा हा पदार्थ आरोग्याच्या दृष्टीने चांगला मानला जातो. मात्र त्याच्या आरोग्यदायी फायद्यांविषयी फार कमी लोकांना माहित असल्याचे खूप कमी लोक याचे सेवन करतात. उन्हाळ्यात शरीराला हायड्रेट राहण्यासाठी मदत करणाऱ्या पेठ्याचे आरोग्यदायी फायदे आज आपण जाणून घेऊया.
1. शरीर डिटॉक्सीफाय होते
पेठामध्ये अनेक असे घटक असतात जे आपल्या शरीरात साचलेली घाण बाहेर काढून टाकण्याचे काम करते. यामुळे किडनीमध्ये द्रव पदार्थाचा स्राव वाढण्यास मदत होते. एकंदरच काय तर पेठा शरीराला डिटॉक्सिफाय करतो आणि शरीर हायड्रेट ठेवण्यास मदत करते.
2. पोटाला उष्णतेपासून आराम मिळतो (Petha Sweet Benefits)
गरमीच्या दिवसात पोटाला थंडावा देण्यासाठी पेठा खाणे कधीही फायदेशीर आहे. ही एक अशी भाजी आहे ज्याच्यापासून मिठाई बनते. अत्यंत रसाळ आणि कोरड्या अशा दोन्ही प्रकारच्या पेठांमुळे उन्हाळ्याच्या दिवसात पोटाला उष्णतेचा त्रास होत नाही. त्यामुळे उन्हाळ्यात हा पदार्थ खाणे फायदेशीर आहे.
3. पचनसंस्थेसाठी फायदेशीर ठरते
पेठा या मिठाईत फायबरचे प्रमाण चांगले असते. (Petha Sweet Benefits) त्यामुळे पोटाच्या कोणत्याही समस्येवर ही मिठाई परिणामकारक ठरते. पेठ्यातील या गुणधर्मामुळे पोटदुखी, बद्धकोष्ठता, अपचन, पेटके आणि सूज अशा समस्या दूर होतात. हा पदार्थ आपल्या आतड्याचे आरोग्यदेखील सुधारतो आणि पचनसंस्थेला चांगली चालना देतो.
4. फुफ्फुसांचे आरोग्य राखले जाते
पेठा या पदार्थात अनेक गुणकारी घटक असतात जे श्वसन मार्गात जमा झालेला कफ वा श्लेष्मा सहजपणे बाहेर पडतो. पेठा खाल्ल्याने श्वसनमार्ग स्वच्छ आणि मोकळा होतो. ज्यामुळे फुफ्फुसांचे आरोग्य राखले जाते आणि श्वसनमार्गातील अडथळे दूर होऊन ऍलर्जीची शक्यता देखील कमी होते.
5. लठ्ठपणा नियंत्रित करण्यास मदत होते
पेठा या मिठाईत अत्यंत कमी कॅलरी असतात. (Petha Sweet Benefits) मात्र, यामध्ये भरपूर पोषक आणि फायबर तत्व असल्याने हा पदार्थ खाल्ल्यास बराच काळ पोट भरल्यासारखे राहते. पेठाची भाजी किंवा ज्यूस नियमित प्यायल्यास वजन कमी होण्यासही मदत होते. मात्र, जास्त गोड पेठा खाल्ल्याने लठ्ठपणा वाढू शकतो.