नवी दिल्ली । एम्प्लॉई प्रॉव्हिडन्ट फंड अँड ऑर्गनायझेशन किंवा EPFO ही जगातील सर्वात मोठी सामाजिक सुरक्षा संस्था आहे, जी भारतातील प्रॉव्हिडन्ट फंड (PF), पेन्शन इत्यादींचे रेग्युलेशन आणि मॅनेजमेंट करते. मात्र, EPFO सदस्यांसाठी हे जाणून घेणे मनोरंजक असेल की ते त्यांच्या खात्यातून म्हणजेच EPF खात्यातून LIC प्रीमियम भरू शकतात.
EPFO मध्ये फॉर्म 14 जमा करावा
टॅक्स अँड इन्वेस्टमेंट एक्सपर्टसच्या मते, EPF खात्यातून LIC प्रीमियम भरण्यासाठी, फॉर्म 14 EPFO मध्ये सबमिट करावा लागेल. मात्र फॉर्म 14 सबमिट करताना, एखाद्याचा EPF बॅलन्स किमान दोन वर्षांसाठी LIC प्रीमियम रकमेइतका असला पाहिजे. लाइव्हमिंटने आपल्या एका रिपोर्टमध्ये ही माहिती दिली आहे.
PF मधून LIC प्रीमियमचे वन टाईम पेमेंट करण्याची सुविधा
Optima Money Managers चे संस्थापक आणि MD पंकज मठपाल म्हणाले, “EPFO मध्ये फॉर्म 14 सबमिट केल्यावर EPFO सदस्याला PF मधून LIC प्रीमियमचे वन टाईम पेमेंट करण्याची सुविधा दिली जाते. LIC पॉलिसी खरेदी करताना किंवा त्यानंतर LIC प्रीमियम जमा करण्यासाठी ‘या’ सुविधेचा लाभ घेता येईल.
EPF खाते आणि LIC पॉलिसी लिंक करावी लागेल
कार्तिक झवेरी, डायरेक्ट-इन्व्हेस्टमेंट, ट्रान्ससेंड कॅपिटल म्हणाले, “या सुविधेचा लाभ घेण्यासाठी हा फॉर्म सबमिट करावा लागेल आणि LIC आणि EPFO दोघांना LIC पॉलिसी आणि EPF खाते लिंक करण्याची परवानगी द्यावी लागेल. EPFO ची ही सुविधा फक्त LIC प्रीमियम भरल्यावर उपलब्ध आहे. ते इतर कोणत्याही इन्शुरन्स कंपनीचा प्रीमियम भरण्यासाठी वापरले जाऊ शकत नाही.