नवी दिल्ली । प्रधानमंत्री जन धन योजना (PMJDY) अंतर्गत लोकांना बँकेत जनधन खाते उघडण्याची सुविधा देण्यात आली आहे. सरकारने सुरू केलेला हा सर्वात महत्वाकांक्षी आर्थिक कार्यक्रम आहे. या योजनेंतर्गत गोरगरीब लोकं आपले बँक खाते उघडू शकतात. ज्यामध्ये बरेच वेगवेगळे आर्थिक लाभ उपलब्ध आहेत. चला तर मग या फायद्यांविषयी जाणून घेऊयात …
1.30 लाख रुपयांचा लाभ
प्रधानमंत्री जन धन योजनेंतर्गत उघडलेल्या खात्यात खातेदारांना एकूण 1.30 लाख रुपयांचा लाभ देण्यात आला आहे. यात अपघाती विमा देखील देण्यात आला आहे. खातेदारास 1,00,000 रुपयांचा अपघाती विमा तसेच 30,000 रुपयांचा सामान्य विमा देण्यात येतो. अशा परिस्थितीत जर खातेधारकाचा एखादा अपघात झाला तर 30,000 रुपये दिले जातात. या दुर्घटनेत खातेदाराचा मृत्यू झाल्यास एक लाख रुपये दिले जातात, म्हणजेच एकूण 1.30 लाख रुपयांचा लाभ उपलब्ध आहे.
जन धन खाते म्हणजे काय?
पंतप्रधान जन धन योजना (PMJDY) हा सर्वात महत्वाकांक्षी आर्थिक कार्यक्रम आहे जो बँकिंग / बचत आणि ठेवी खाती, पैसे, कर्ज, विमा, पेंशन यामध्ये प्रवेश सुनिश्चित करतो. हे खाते कोणत्याही बँक शाखा किंवा व्यवसाय प्रतिनिधी (बँक मित्र) आउटलेटवर उघडता येते. PMJDY खाती झिरो बॅलन्स ठेवून उघडली जात आहेत.
खाते कसे उघडावे?
प्रधानमंत्री जन धन योजनेंतर्गत सार्वजनिक क्षेत्रातील बँकांमध्ये अधिक खाते उघडले जाते. परंतु, तुमची इच्छा असेल तर तुम्ही खासगी बँकेत देखील आपले जनधन खाते उघडू शकता. आपल्याकडे इतर कोणतेही बचत खाते असल्यास आपण ते जनधन खात्यात देखील रूपांतरित करू शकता. भारतात राहणारा कोणताही नागरिक, ज्यांचे वय 10 वर्षे किंवा त्याहून अधिक आहे ते जनधन खाते उघडू शकतात.
या कागदपत्रांची गरज आहे
जन धन खाते उघडण्यासाठी KYC अंतर्गत कागदपत्रांची पडताळणी आवश्यक आहे. या कागदपत्रांचा वापर करून जन धन खाते उघडता येईल. आधार कार्ड, पॅनकार्ड, ड्रायव्हिंग लायसन्स, मतदार ओळखपत्र, पासपोर्ट, मनरेगा जॉब कार्ड.
जन धन खात्यात ‘हे’ फायदे उपलब्ध आहेत
1. खात्यात किमान शिल्लक राखण्यासाठी कोणतीही अडचण नाही.
2. बचत खात्याइतकेच व्याज मिळते.
3. मोबाइल बँकिंगची सुविधाही विनामूल्य असेल.
4. अपघाती विमा प्रत्येक युझर्ससाठी 2 लाखांपर्यंत आहे.
5. 10 हजारांपर्यंत ओव्हरड्राफ्ट सुविधा.
6. कॅशकाढणे आणि खरेदीसाठी रुपे कार्ड उपलब्ध आहे.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा
