औरंगाबाद – राज्यातील पोलिसांच्या पदोन्नत्या गृह विभागातर्फे करण्यात आल्या आहेत. यात औरंगाबाद शहराचे पोलिस आयुक्त डॉ. निखिल गुप्ता यांना अप्पर पोलिस महासंचालक श्रेणीतील ‘पोलिस आयुक्त’ हे नवीन पद निर्माण करून पदोन्नती देण्यात आली आहे.
काल रात्री उशिरा या विषयीचे परिपत्रक जारी करण्यात आले. औरंगाबाद शहराचे सध्याचे विशेष पोलिस महानिरीक्षक श्रेणीतील मुळ पद स्थगित करुन त्या ठिकाणी भारतीय पोलिस सेवा नियम 1995 च्या नियम 4 (2) मधील तरतुदीनुसार अप्पर पोलीस महासंचालक श्रेणीतील ‘पोलिस आयुक्त औरंगाबाद शहर’ हे नवीन पद निर्माण करण्यात आले आहे.
या पदावर डॉ. निखिल गुप्ता यांची पदोन्नतीने पदस्थापना करण्यात येणार असल्याचे परिपत्रकात नमूद करण्यात आले आहे.