श्रीनगर । जम्मू-काश्मीरच्या सोपोरमध्ये CRPFच्या पथकावर दहशतवादी हल्ला झाला. यात एक जवान शहीद झाला तर एका वृद्ध सामान्य नागरिकाचा मृत्यू झाला. या घटनेतील काही फोटो समोर आले आहेत. एक फोटो मनाला स्पर्शून जातो, तर दुसरा फोटो हृदय पिळवटून टाकतो. दहशतवाद्यांच्या गोळीबारात एक जवान ३ वर्षांच्या चिमुकल्याला उचलून सुरक्षित स्थळी घेऊन जाताना दिसत आहे. तर दुसऱ्या एका फोटोमध्ये हाच चिमुकला आपल्या आजोबांच्या मृतदेहावर निर्विकार चेहऱ्याने बसलेला दिसत आहे.
Police rescued a 3-year-old boy from getting hit by bullets during the terrorist attack in Sopore: Jammu & Kashmir Police https://t.co/T5hGdXkRAs pic.twitter.com/JaoSjrzsOD
— ANI (@ANI) July 1, 2020
दहशतवाद्यांच्या हल्ल्यात एका ६० वर्षीय व्यक्तीचा मृत्यू झाला. या व्यक्तीच्या मृतदेहावर त्यांचा ३ वर्षीय नातू बसलेला फोटो समोर आला आहे. घटनास्थळावरील हा फोटो म्हणजे कोणीतरी काळजावर घाव घालावे असाच आहे. जमिनीवर पडलेलं मृत शरीर, कपडे रक्ताने माखलेले आणि मृतदेहावर बसलेला तीन वर्षांचा चिमुकला, असा हा फोटो आहे. यानंतर पोलिसांच्या टीममधील एका सदस्याने मुलाला उचलून एन्काऊंटर साईटपासून दूर नेलं. दहशतवाद्यांच्या गोळीबारादरम्यान समोर आलेला जवान आणि चिमुकल्याचा हा फोटो वेगाने व्हायरल होत आहे. या फोटोमध्ये जवान मुलासोबत बोलताना दिसत आहे. चिमुकल्याच्या चेहऱ्यावरील निरागसता आणि जवान त्याच्याशी बोलताचा हा फोटो मनाला स्पर्श करतो.
#WATCH Jammu & Kashmir Police console a 3-year-old child after they rescued him during a terrorist attack in Sopore, take him to his mother. The child was sitting beside his dead relative during the attack. pic.twitter.com/znuGKizACh
— ANI (@ANI) July 1, 2020
चिमूकल्याला सुरक्षित वाचवल्यानंतर सोपोरचे एसएचओ अझीम खान यांनी सांगितलं कि, ”जेव्हा आम्ही घटनास्थळी पोहोचलो त्यावेळी तेथील दृश्य ही विचलित करणारी होती. त्यावेळी त्या लहान मुलाला वाचवण्याला आम्ही प्राधान्य दिलं. दहशतवादी गोळीबार करत असताना मुलाला वाचवणं आव्हानात्मक होत. आपल्या आजोबांसोबत हा लहान मुलगा हंदवाडा येथे जात होता.”
When we reached the site, what we saw was disturbing. Our priority was to evacuate the child. It was very challenging as terrorists were firing upon us. The child was going to Handwara with his grandfather: Azim Khan SHO Sopore#JammuAndKashmir https://t.co/qb3ksJUqsf pic.twitter.com/q4yta8gkT8
— ANI (@ANI) July 1, 2020
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”