हॅलो महाराष्ट्र ऑनलाईन। (Prajakta Mali) मराठी सिनेसृष्टीतील अत्यंत लोकप्रिय अभिनेत्रींच्या यादीत प्राजक्ता माळीचे नाव हे आघाडीवर आहे. आजवर अनेक चित्रपट तसेच मालिकांमधून प्राजक्ताने आपल्या अभिनयाची मोहोर रसिक प्रेक्षकांच्या मनावर उमटवली आहे. आता लवकरच ती आपल्याला पुन्हा एकदा एका नवीन चित्रपटातून भेटायला सज्ज झाली आहे. ‘भिशी मित्र मंडळ’ असे या आगामी चित्रपटाचे नाव असून नुकतेच पुणे येथे या चित्रपटाचा मुहूर्त संपन्न झाला. याप्रसंगी अभिनेत्री प्राजक्ता माळीसोबत या चित्रपटाचे निर्माते, प्रस्तुतकर्ते, लेखक, दिग्दर्शक आणि तांत्रिक टीम आवर्जून उपस्थित होती.
‘भिशी मित्र मंडळ’ या चित्रपटाचे प्रस्तुतकर्ते अमोल कागणे आणि शरद पाटील हे आहेत. तर किरण कुमावत, लक्ष्मण कागणे, विनया मोरे, अजिंक्य जाधव, अक्षय बोडके आणि गौरी पाठक हे या चित्रपटाचे निर्माते आहेत. (Prajakta Mali) सागर पाठक लिखित, सुमित संघमित्र दिग्दर्शित या चित्रपटाचे चित्रीकरण लवकरच पुणे येथे सुरु होणार असल्याचे सांगण्यात आले आहे. तसेच संजीवकुमर चंद्रकांत हिल्ली हे या चित्रपटासाठी सिनेमाटोग्राफर म्हणून काम पाहणार आहेत. एक आगळा वेगळा सिनेमा घेऊन ही टीम प्रेक्षकांचे मनोरंजन करण्यास आता सज्ज झाली आहे.
भिशी म्हणजे काय? तर भिशी म्हणजे ग्रुपमधील सदस्य प्रत्येक महिन्याला ठराविक पैसे एकत्र करतात आणि ते टप्प्याटप्प्याने सर्वांना वापरण्यासाठी दिले जातात. (Prajakta Mali) साधारणत: प्रत्येक महिन्याला ग्रुपमधील एका सदस्याच्या घरी किंवा त्यांनी ठरवलेल्या एका ठिकाणी जमून, पैसे गोळा करून ते एका सदस्याला दिले जातात. भिशी हा प्रकार विशेषत: महिला, कामगार आणि व्यापाऱ्यांमध्ये अधिक प्रचलित आहे. त्यामुळे या विषयावरील चित्रपट पाहण्यासाठी प्रेक्षकांमध्ये विशेष उत्सुकता बघायला मिळेल.