Maruti Suzuki Car : सध्या 2023 या वर्षातील शेवटचा महिना सुरु आहे. सध्या अनेक कंपन्या नववर्षापूर्वी कार स्वस्तात देत आहेत. अशा वेळी जर तुम्ही नवीन कार खरेदी करण्याच्या विचारात असाल तर तुमच्यासाठी ही एक उत्तम संधी आहे, कारण सर्वसामान्य लोकांची ड्रीम कार म्ह्णून ओळखली जाणारी Alto K10 या कारवर मोठा डिस्काउंट मिळत आहे.
मारुती सुझुकीची देशातील सर्वात स्वस्त कार Alto K10 आहे. कंपनी या कारवर 54 हजार रुपयांपर्यंत सूट देत आहे. ही सवलत रोख, एक्सचेंज बोनस आणि कॉर्पोरेट डिस्काउंटसह उपलब्ध असेल. Alto K10 ची सुरुवातीची किंमत 3.99 लाख रुपये आहे. अशा परिस्थितीत जर तुमचे बजेट कमी असेल तर या महिन्यात ही कार तुमच्यासाठी एक चांगला पर्याय ठरू शकते.
Alto K10 वर उपलब्ध असलेल्या सवलतींबद्दल बोलायचे झाल्यास, त्याच्या पेट्रोल मॉडेलवर 35,000 रुपयांची रोख सूट, 15,000 रुपयांचा एक्सचेंज बोनस आणि 4,000 रुपयांची कॉर्पोरेट सूट मिळेल. दुसरीकडे, त्याच्या CNG मॉडेलवर 25,000 रुपयांची रोख सूट आणि 15,000 रुपयांचा एक्सचेंज बोनस मिळेल. सीएनजी मॉडेलवर कॉर्पोरेट सूट मिळणार नाही.
मारुती अल्टो K10 इंजिन
या हॅचबॅकमध्ये नवीन-जनरल K-सिरीज 1.0L ड्युअल जेट, ड्युअल VVT इंजिन आहे. हे इंजिन 49kW(66.62PS)@5500rpm ची पॉवर आणि 89Nm@3500rpm वर जास्तीत जास्त टॉर्क जनरेट करते. कंपनीचा दावा आहे की त्याचे ऑटोमॅटिक वेरिएंट 24.90 km/l मायलेज देते आणि मॅन्युअल व्हेरिएंट 24.39 km/l मायलेज देते. तर, त्याच्या CNG प्रकाराचे मायलेज 33.85 kmpl आहे.
Alto K10 ची वैशिष्ट्ये
Alto K10 कार कंपनीच्या अपडेटेड प्लॅटफॉर्म Heartect वर आधारित आहे. नवीन Alto K10 मध्ये 7 इंची फ्लोटिंग टचस्क्रीन इन्फोटेनमेंट सिस्टम आहे. कंपनीने S-Presso, Celerio आणि Wagon-R मध्ये ही इन्फोटेनमेंट सिस्टम आधीच दिली आहे. ऍपल कार प्ले, अँड्रॉइड ऑटो व्यतिरिक्त, ही इन्फोटेनमेंट सिस्टम यूएसबी, ब्लूटूथ आणि ऑक्स केबलला देखील सपोर्ट करते.
अल्टोची सुरक्षा वैशिष्ट्ये
दरम्यान, या हॅचबॅकला इलेक्ट्रॉनिक ब्रेक फोर्स डिस्ट्रिब्युशन (EBD), रिव्हर्स पार्किंग सेन्सरसह अँटी-लॉक ब्रेकिंग सिस्टम (ABS) मिळेल. यासोबतच Alto K10 ला प्री-टेन्शनर आणि फोर्स लिमिट फ्रंट सीट बेल्ट मिळेल. सुरक्षित पार्किंगसाठी रिव्हर्स पार्किंग सेन्सर्स असेल. कारमध्ये स्पीड सेन्सिंग ऑटो डोअर लॉक आणि हाय स्पीड अलर्टसह इतर अनेक सुरक्षा वैशिष्ट्ये आहेत.