सार्वजिनक वाहतूक सुरु करणार पण… – नितीन गडकरी

नवी दिल्ली । कोरोना विषाणूचा प्रादुर्भावामुळं केंद्र सरकारने संपूर्ण देशभरात १७ मे पर्यंत लॉकडाउनचा कालावधी वाढवला आहे. कोरोनाचा संसर्ग वाढू नये म्हणून या काळात संपूर्ण देशात सार्वजिनक वाहतूक सुविधा बंद ठेवण्यात आली आहे. दरम्यान, भविष्यकाळात अटी व शर्थींसह सार्वजिनक वाहतूक सुविधा सुरु करण्याच्या विचारात केंद्र सरकार असल्याचं मत केंद्रीय रस्ते आणि परिवहन मंत्री नितीन गडकरी यांनी व्यक्त केलं. बस अँड कार ऑपरेटर्स कॉन्फेडरेशन ऑफ इंडियाच्या सदस्यांशी व्हिडीओ कॉन्फरन्सिंगद्वारे बोलत असतांना त्यांनी आपलं मत व्यक्त केलं.

या व्हिडीओ कॉन्फरन्सिंगमध्ये बोलत असताना गडकरी यांनी या लढाईत आपण सर्वांनी एकत्र येऊन लढल्यास नक्की यशस्वी होऊ असा आत्मविश्वास त्यांनी व्यक्त केला. सार्वजनिक वाहतूक आणि महामार्ग खुले केल्यानंतर लोकांमध्ये आत्मविश्वास येईल असा अंदाज आहे असंही ते म्हणाले. सध्या लॉकडाउन काळात सर्व राज्यांच्या सीमा बंद असून फक्त सर्व वाहतूक व्यवस्था बंद करण्यात आली आहे. सर्व राज्य इतर राज्यात अडकलेल्या आपल्या नागरिकांना घरी आणण्यासाठी विशेष बस गाड्या चालवत आहे.

दरम्यान, सार्वजनिक वाहतूक व्यवस्था सुरु केल्यास कोरोनाचा प्रादुर्भाव वाढण्याची शक्यता आहे. दरम्यान, पंजाब सरकारनं ८० ट्रॅव्हल्सच्या मदतीनं ४ हजार नागरिकांना परत राज्यात नेले. त्याठिकाणी या यात्रेकरूंची तपासणी करण्यात आली. त्यात तब्बल ७९५ जणांचे अहवाल करोना पॉझिटिव्ह आले आहेत. २८ एप्रिल रोजी पंजाबमधील करोनाग्रस्त रुग्णांची संख्या ५१० पर्यंत होती. मात्र, अचानक आठशे रुग्ण वाढल्यानं पंजाबमधील रुग्णांची १२३२ वर पोहोचली आहे.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”

You might also like