Pune And Thane Metro Project | राज्यात विधानसभा निवडणुका अगदी तोंडावर आलेल्या आहेत. याच पार्श्वभूमीवर सरकार देखील नागरिकांसाठी विविध योजना तसेच अनेक सोयी सुविधा देखील आणत आहेत. अशातच आता सरकारकडून पुणेकरांसाठी आणि ठाणेकरांसाठी एक अत्यंत महत्त्वाची आणि आनंदाची बातमी दिलेली आहे. या दोन शहरांचे अंतर कापणे आता सहज शक्य आणि सोप्पे होणार आहे.
कारण हा प्रवास तुम्ही अगदी काहीच मिनिटात पार करू शकता. या दोन शहरांसाठी मेट्रो प्रकल्प चालू होणार आहे. आणि मेट्रो प्रकल्पासाठी केंद्र सरकारने मंजुरी देखील दिलेली आहे. यासोबतच आता पुणे स्वारगेट ते कात्रज पर्यंत भुयारी मार्ग होणार आहे. यामुळे पिंपरी चिंचवड ते कात्रज हा काही तासांचा प्रवास आता प्रवाशांना काही मिनिटात पूर्ण करता येणार आहे. ठाणे ते पुणे या मेट्रो प्रकल्पासाठी नरेंद्र मोदी यांच्या अध्यक्षतेखाली शुक्रवारी एक बैठक पार पडली. आणि या बैठकीमध्ये या प्रकल्पाला मंजुरी देण्यात आलेली आहे. फेब्रुवारी 2029 पर्यंत हा प्रकल्प पूर्णत्वास जाणार आहे. हा प्रकल्प तब्बल 2954 कोटींचा असणार आहे.
कात्रज ते स्वारगेट भुयारी मार्ग | Pune And Thane Metro Project
पुण्यातील कात्रज ते स्वारगेट यादरम्यान नेहमीच वाहतुकीची मोठ्या प्रमाणात कोंडी होते. त्यामुळे या रस्त्यावरील वाहतूक तोंडी कमी करण्यासाठी आता या ठिकाणी भुयारी मेट्रो प्रकल्प सुरू होणार आहे. आणि या प्रस्तावाला देखील राज्य सरकारने मंजुरी दिलेली आहे. कात्रज ते स्वारगेट या मार्गामध्ये मार्केटयार्ड, बिबेवाडी, बालाजीनगर, कात्रज या ठिकाणांच्या प्रवास करणाऱ्यांना आता खूप सोयीचे होणार आहे.
सरकारने ठाणे शहरांतर्गत मेट्रो प्रकल्पाला देखील मान्यता दिलेली आहे. हा मार्ग 29 किलोमीटरचा आहे. आणि तो पूर्ण करण्यासाठी 12200 कोटी रुपये खर्च होणार आहे. हा प्रकल्प पूर्ण झाल्यावर स्थानिक शहरात जी वाहतूक कोंडी होत आहे. ती वाहतूक कोंडी देखील दूर होणार आहे. तसेच आता विविध भागांशी आता थेट मेट्रो मार्गाने प्रवाशांना प्रवास करता येणार आहे. ठाणे शहरासाठी हा एक ऐतिहासिक प्रकल्प असल्याची प्रतिक्रिया देखील मुख्यमंत्री एकनाथ शिंदे यांनी दिलेली आहे.