हॅलो महाराष्ट्र ऑनलाईन Raj Thackeray Meets Devendra Fadnavis । मनसे अध्यक्ष राज ठाकरे यांनी थेट वर्षा बंगल्यावर जाऊन मुख्यमंत्री देवेंद्र फडणवीस यांची भेट घेतली आहे. एकीकडे ठाकरे बंधूंच्या युतीची चर्चा सुरु असताना आणि नुकतंच कालबेस्ट निवडणुकीत ठाकरे ब्रँडचा दणकून पराभव झाल्यांनतर आज दुसऱ्याच दिवशी सकासकाळी राज ठाकरेंनी देवेंद्र फडणवीसांची भेट घेतल्याने राजकीय वर्तुळात मोठी खळबळ उडाली आहे. महत्वाची बाब म्हणजे राज ठाकरे आणि देवेंद्र फडणवीस यांच्यात तब्बल ५० मिनिटे चर्चा झाल्याचं बोललं जात आहे. त्यामुळे या भेटीमागे नेमकं काय कारण होते याबाबत अनेक तर्क वितर्क लावले जात आहेत.
राजकीय चर्चा झाली ?? Raj Thackeray Meets Devendra Fadnavis
मुंबईत पावसामुळे झालेली पूरस्थिती, पाऊस आणि मिठी नदीसह विविध नागरी समस्यांवर चर्चा करण्यासाठी राज ठाकरे हे फडणवीसांच्या भेटीला जात असल्याची माहिती समोर आली आहे. मात्र जेव्हा २ मोठे नेते एकमेकांना भेटतात तेव्हा त्यांच्यात राजकीय चर्चा तर होणे स्वाभाविक आहे. त्यामुळे या भेटीतून काही ठोस राजकीय निर्णय समोर येतोय का हे सुद्धा पाहणे महत्वाचे ठरणार आहे. एकीकडे राज ठाकरे आणि उद्धव ठाकरे यांच्यात जवळीक वाढली आहे. उद्धव ठाकरेंच्या वाढदिवसाला राज ठाकरे हे स्वतः मातोश्रीवर गेले होते. मनसे आणि ठाकरे गटाच्या प्रमुख नेत्यांमध्येही चांगलेच सूर जुळले आहेत. अशावेळी आज राज ठाकरेंनी थेट देवेंद्र फडणवीस यांची भेट घेतल्याने Raj Thackeray Meets Devendra Fadnavis) मनसे कार्यकर्त्यांमध्ये संभ्रमाचे वातावरण निर्माण होऊ शकते.
यापूर्वीही राज ठाकरे यांनी देवेंद्र फडणवीसांसोबत एका हॉटेलमध्ये भेट झाली होती. परंतु आजच्या भेटीचे जे टायमिंग आहे ते पाहता मनसे प्रमुखांच्या मनात नेमकं काय चाललंय याचा अंदाज कोणालाच नाही. कारण कालच ठाकरे बंधूंचा बेस्टच्या निवडणुकीत दणकून पराभव झाला आहे. यानंतर भाजपने उद्धव ठाकरेंवर सडकून टीका केली, तर दुसरीकडे राज ठाकरे याना थोडासा सॉफ्ट कॉर्नर दिला. त्यामुळे भाजप सुद्धा राज ठाकरेंसाठी वेट अँड वॉच च्या भूमिकेत आहे का? असा प्रश्न निर्माण झाला आहे. बाकी आपण शिवतीर्थावर पत्रकार परिषद घेऊन या भेटीबाबत (Raj Thackeray Meets Devendra Fadnavis) अधिक बोलणार आहोत असं राज ठाकरेंनी म्हंटल आहे. या पत्रकार परिषदेत राज ठाकरे नेमकं काय बोलतात? याकडे संपूर्ण महाराष्ट्राचे लक्ष्य लागलं आहे.
