हॅलो महाराष्ट्र ऑनलाईन । येत्या २२ तारखेला अयोध्या येथे भगवान श्रीरामाचा प्राणप्रतिष्ठान सोहळा (Ram Mandir Ceremoney) पार पडणार आहे. यासाठी देशभरातून लाखो रामभक्त अयोध्येच्या दिशेने रवाना झाले आहेत. तसेच या सोहळयाला देशातील 7000 दिग्गजांना निमंत्रण देण्यात आले आहे. याच दरम्यान, PVR आयनॉक्स लिमिटेडने घोषणा केली आहे की ते 22 जानेवारी 2024 रोजी आपल्या थिएटरमध्ये राम मंदिर प्राण प्रतिष्ठा सोहळ्याचे Live स्क्रिनिंग करणार आहेत. आता ही सुविधा देशातील कोणकोणत्या शहरात असेल आणि त्याचे तिकीट दर किती असतील ते जाणून घेऊयात.
ज्या रामभक्तांना अयोध्येत जाणून श्रीराम प्राणप्रतिष्ठा सोहळा बघणं शक्य होणार नाही ते भक्त थेटर मध्ये जाऊन हा भव्य दिव्य सोहळा पाहू शकतात. PVR ने यासाठी आज तक सोबत करार केला आहे. देशातील एकूण 70 शहरांमधील 160 चित्रपटगृहात ही सुविधा देण्यात येणार आहे. या संपूर्ण सोहळ्याचे Live स्क्रिनिंग सकाळी 11 वाजल्यापासून ते राम मंदिराचा अभिषेक सोहळा संपेपर्यंत म्हणजेच 3 वाजेपर्यंत सुरू राहणार आहे. राम मंदिर उदघाटन सोहळा हा चित्रपटगृहात पाहिल्यानंतर अजून चांगला वाटेल, त्यात आणखी जिवंतपणा येईल. या सोहळ्याच्या माध्यमातून भाविकांशी जोडलं जाणे ही आमच्यासाठी मोठी भाग्याची गोष्ट असेल तर मत PVR आयनॉक्स लिमिटेडचे को CEO गौतम दत्ता यांनी म्हंटल.
तिकीट दर किती?
ऑनलाइन तिकीट बुकिंग अॅप बुक माय शोने या विशेष कार्यक्रमासाठी तिकिटांचे ऑनलाइन बुकिंग सुरू केले आहे. सध्या तरी दिल्ली-एनसीआर आणि मुंबईसारख्या मोठ्या शहरांमधील चित्रपटगृहांमध्ये प्री बुकिंगची प्रक्रिया सुरू करण्यात आली आहे. या भव्य दिव्य सोहळा पाहण्यासाठी 100 रुपये तिकीट दर ठेवण्यात आला असून त्यात शीतपेय आणि पॉपकॉर्नचा सुद्धा समावेश आहे