RBI ने LIC ला दिली IndusInd बँकेतील भागीदारी दुप्पट करण्याची परवानगी, अधिक तपशील जाणून घ्या

नवी दिल्ली । देशातील सर्वात मोठी विमा कंपनी लाइफ इन्शुरन्स कॉर्पोरेशन ऑफ इंडिया (LIC) ला भारतीय रिझर्व्ह बँक (RBI) ने खाजगी क्षेत्रातील कर्ज देणाऱ्या इंडसइंड बँकेतील त्यांची हिस्सेदारी दुप्पट करण्याची मान्यता मिळाली आहे. IndusInd नुसार, RBI ने LIC ला बँकेतील स्टेक 9.99 टक्क्यांपर्यंत वाढवण्याची परवानगी दिली गेली आहे. सध्या इंडसइंड बँकेत LIC ची हिस्सेदारी 4.95 टक्के आहे.

इंडसइंड बँकेच्या शेअर्समध्ये उसळी
LIC च्या या मंजुरीनंतर, IndusInd बँकेचे शेअर्स सुरुवातीच्या ट्रेडींगमध्ये 1 टक्क्यांनी वाढून आज 961 रुपयांच्या पातळीवर पोहोचले. शेवटच्या ट्रेडिंगच्या दिवशी म्हणजे 9 डिसेंबर 2021 रोजी बँकेचा स्टॉक 946.30 रुपयांवर बंद झाला. बँकेने स्टॉक एक्स्चेंजला दिलेल्या माहितीत म्हटले आहे की, LIC ला दिलेली मंजुरी 8 डिसेंबर 2022 पर्यंत व्हॅलिड असेल.

बँकेतील स्टेक वाढवण्यासाठीचे नियम काय आहेत?
रिझर्व्ह बँकेने यापूर्वी 29 नोव्हेंबर 2021 रोजी LIC ला कोटक महिंद्रा बँकेतील हिस्सा 9.99 टक्क्यांपर्यंत वाढवण्यास मान्यता दिली होती. ही परवानगीही एक वर्षासाठी व्हॅलिड असेल. RBI च्या नियमांनुसार, जर एखाद्या व्यक्तीला किंवा संस्थेला या खाजगी क्षेत्रातील बँकेतील 5 टक्क्यांहून जास्त भागभांडवल खरेदी करायचे असेल तर त्यांना पहिले सेंट्रल बँकेची परवानगी घ्यावी लागेल.

LIC ला कोणत्या सूचनांचे पालन करावे लागेल?
IndusInd बँकेतील स्टेक वाढवण्यासाठी 2015 मध्ये भारतीय रिझर्व्ह बँकेने दिलेल्या निर्देशांच्या तरतुदींचे पालन LIC ला करावे लागेल. यासोबतच भांडवली बाजार नियामक SEBI च्या नियमांचीही पूर्तता करावी लागणार आहे. IndusInd बँकेने सांगितले की,”LIC ला दिलेली परवानगी खाजगी क्षेत्रातील बँकांमधील मतदानाचा हक्क किंवा शेअर्स संपादन करण्याच्या पूर्वपरवानगीबाबत रिझव्‍‌र्ह बँकेने 19 नोव्हेंबर 2015 रोजी दिलेल्या निर्देशांनुसार असेल.”

RBI ने 12 मे 2016 रोजी खाजगी बँकांमधील मालकी हक्काबाबत निर्देश दिले आहेत. LIC ला त्यांचेही पालन करावे लागेल. याशिवाय, इन्शुरन्स कंपनीला SEBI, परकीय चलन व्यवस्थापन कायदा, 1999 (FEMA 1999) च्या तरतुदींचेही पालन करावे लागेल. बँकेला दिलेली ही मान्यता एक वर्षासाठी व्हॅलिड असेल, असे बँकेने म्हटले आहे.