मुंबई । रिझर्व्ह बँक ऑफ इंडियाने (Reserve Bank of India) शुक्रवारी नियामक अनुपालनातील शिथिलतेबाबत Hitachi Payment Services आणि Tata Communications Payment Solutions समवेत 4 व्हाईट लेबल एटीएम (White Label ATM) ऑपरेटर्सना 6 कोटी रुपयांचा दंड ठोठावला आहे.
ट्रान्सझॅक्शन एनालिस्ट्स (इंडिया) प्रायव्हेट लिमिटेडवर 3 कोटी दंड
रिझर्व्ह बँकेने एका निवेदनात म्हटले आहे की,”त्यांनी आपल्या ऑपरेटिव्ह निर्देशांचे आणि आपल्या ग्राहकांना जाणून घेण्याशी संबंधित तरतुदींचे उल्लंघन केल्यामुळे ट्रान्झॅक्शन एनालिस्ट्स (इंडिया) प्रायव्हेट लिमिटेड, प्रीपेड पेमेंट इन्स्ट्रुमेंट (PPI) जारी करणा-यावर 3 कोटी रुपयांचा दंडही लावला आहे.”
4 व्हाईट लेबल एटीएम ऑपरेटर्सना ‘व्हाईट लेबल एटीएम गाइडलाइन्स इन इंडिया’ चे पालन न केल्याबद्दल दंड ठोठावण्यात आला आहे. ही मार्गदर्शक सूचना 20 जून 2012 रोजी जारी करण्यात आली. बीटीआय पेमेंट्स आणि हिताची पेमेंट सर्व्हिसेसना प्रत्येकी 2 कोटी रुपये आणि टाटा कम्युनिकेशन्स पेमेंट सोल्युशन्स लिमिटेड आणि वक्रांगी लिमिटेडला प्रत्येकी 1 कोटी रुपयांचा दंड ठोठावण्यात आला आहे.
व्हाईट लेबल एटीएम म्हणजे काय ?
RBI च्या वेबसाईटनुसार, नॉन-बँकांद्वारे स्थापित, मालकी असलेली आणि संचालित एटीएमला व्हाईट लेबल एटीएम म्हणतात. नॉन-बँक एटीएम ऑपरेटर पेमेंट अँड सेटलमेंट सिस्टीम्स एक्ट, 2007 अंतर्गत रिझर्व्ह बँक ऑफ इंडियाकडून अधिकृत आहेत.