वाढत्या महागाईच्या पार्श्वभूमीवर RBI देऊ शकते धक्का, व्याजदरात होऊ शकेल वाढ

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

नवी दिल्ली । सतत वाढत चाललेल्या महागाईच्या पार्श्वभूमीवर RBI दणका देण्याची तयारी करत आहे. पुढील आठवड्यात होणाऱ्या पतधोरण आढावा बैठकीत RBI धोरणात्मक व्याजदर वाढवू शकते. ब्रिटनच्या ब्रोकरेज फर्म बार्कलेजने एका रिपोर्टमध्ये म्हटले आहे की, RBI ची चलनविषयक धोरण समिती (MPC) अतिरिक्त कॅश उभारण्यासाठी रिव्हर्स रेपो दरात 0.25 टक्क्यांपर्यंत वाढ करू शकते. रेपो दरात कोणतीही वाढ अपेक्षित नाही.

बार्कलेज विश्लेषकांनी पुढील आठवड्याच्या MPC च्या बैठकीपूर्वी सांगितले की,”ओमिक्रॉन पॅटर्नचा उद्रेक आणि तुलनेने अनुकूल चलनवाढ दरम्यान, RBI कडे प्रो-ग्रोथ मौद्रिक धोरण राखण्यासाठी जागा आहे. मध्यवर्ती बँक कॅश मॅनेजमेंटच्या उपाययोजना लक्षात घेऊन रिव्हर्स रेपो दरात 0.20-0.25 टक्के वाढ करू शकते.”

सलग नवव्यांदा रेपो दरात कोणताही बदल झालेला नाही
बार्कलेजशिवाय अनेक विश्लेषकांनीही रिव्हर्स रेपो दरात वाढ होण्याची शक्यता वर्तवली आहे. ते म्हणतात की,”सरकारी कर्जात आश्चर्यकारक वाढ झाल्यामुळे, RBI ची पॉलिसी सामान्यीकरणाकडे जाऊ शकते. डिसेंबरमध्ये झालेल्या आढावा बैठकीत, RBI ने सलग नवव्यांदा प्रमुख धोरण दर रेपो रेट 4 टक्क्यांवर कायम ठेवला होता.”

महागाईतून दिलासा मिळू शकेल
RBI ने 2021-22 मध्ये जीडीपी विकास दराचा अंदाज 9.5 टक्के ठेवला आहे. चालू आर्थिक वर्षाच्या तिसऱ्या तिमाहीत विकास दर 6.6 टक्के आणि चौथ्या तिमाहीत 6.0 टक्के राहण्याचा अंदाज आहे. महागाईच्या आघाडीवर, RBI ने म्हटले होते की, 2021-22 मध्ये किरकोळ महागाई 5.3 टक्के राहील. पेट्रोल आणि डिझेलवरील करात कपात केल्याने महागाई शाश्वत आधारावर कमी होईल. परदेशात असलेल्या शाखांमधील बँकांसाठी भांडवली गुंतवणूक आणि नफा हा नियम आणखी सोपा करण्यात आला आहे.

Leave a Comment