हॅलो महाराष्ट्र ऑनलाइन | एकनाथ शिंदे यांच्या सोबत बंडखोरी केलेले शिवसेनेचे आमदार भरत गोगावले यांच्या गाडीला अपघात झाला आहे. मुंबईतील फ्रिवेवर हा अपघात झाला आहे. सुदैवाने यामध्ये कोणालाही दुखापत झाली नाही.
या अपघातात 7 गाड्यांची एकमेकांना धडक झाली.समोर असलेली कार अचानक थांबली त्यामुळे सात गाड्या एकमेकांवर धडकल्या. त्यामुळे गाड्यांचे मोठ्या प्रमाणात नुकसान देखील झाले. मात्र भरत गोगावले हे सुखरूप आहेत. तसेच इतर कोणालाही दुखापत झाली नाही.
एकनाथ शिंदे यांनी बंड केल्यानंतर भरत गोगावले हे नाव चर्चेत आहे. भरत गोगावले यांची प्रदोत पदी नियुक्ती करण्यात आली होती. यापूर्वी शिवसेना बंडखोर आमदार संजय शिरसाठ यांच्याही गाडीला अपघात झाला होता. त्यातच आता भरत गोगावले यांचाही अपघात झाला आहे.