Revised Pension Scheme | राज्य सरकारच्या कर्मचाऱ्यांनी सरकारकडे जुनी पेन्शन योजना लागू करण्याची मागणी केलेली होती. आता याच सरकारी कर्मचाऱ्यांना मोठा दिलासा मिळालेला आहे. कारण आता राज्य सरकारी कर्मचाऱ्यांना सुधारित पेन्शन योजना (Revised Pension Scheme) 1 मार्च 2024 पासून लागू होणार आहे. याबाबतची माहिती राज्याच्या सचिवांनी दिलेली आहे. याबाबत सोमवारी बैठक झाली आणि या बैठकीमध्ये जुनी पेन्शन योजनेच्या निगडित सर्व विभागांचे सचिव उपस्थित होते. त्यांच्यामध्ये बैठक झाल्यानंतर याबाबतचा निर्णय घेण्यात आलेला आहे.
त्यामुळे राज्य सरकारच्या कर्मचाऱ्यांना या सुधारित राष्ट्रीय पेन्शन योजनेचा लाभ 1 मार्च 2024 पासून सुरु होणार आहे. असे देखील आदेश निघालेले आहेत. त्याचप्रमाणे केंद्राप्रमाणे 4 टक्के महागाई भत्ता देखील वाढ होण्यास मंजुरी दिलेली आहे. तसेच सेवानिवृत्तीचे वय 60 वर्षे करण्याबाबतचा प्रस्ताव सादर करण्यात आला. तसेच निवृत्तीवेतनाच्या अंशराशीकृत भागाची देय रक्कम 20 वर्षांनी पुर्नस्थापित करण्यात येईल असे देखील सांगितलेले आहे.
राज्य सरकारच्या झालेल्या या बैठकीमध्ये सेवानिवृत्त उपदान 14 लाख ऐवजी 25 लाख रुपये निश्चित करण्याबाबतचा प्रस्ताव तयार करण्यात आला आहे. त्याचप्रमाणे आरोग्य विभागातील रिक्त पदे देखील भरण्यात येणार आहेत. तसेच कामासाठी आगाऊ वेतन वाढ देण्याबाबतचा निर्णय देखील सांगितलेला आहे.
वाढीव बाल संगोपन रजेबाबत निर्णय | Revised Pension Scheme
सरकारी महिला कर्मचाऱ्यांना आता बाल संगोपनाची रजा वाढवून देता येईल आणि याबाबतचा देखील निर्णय घेण्यात आलेला आहे. कंत्राटी आणि योजना कामगारांना त्यांच्या मागणीनुसार सेवा नियमित करण्याचे धोरण देखील राबवले जात आहे.