उस्मानाबाद प्रतिनिधी | किशोर माळी
उमरगा तालुक्यातील कराळी ते तलमोड राष्ट्रीय महामार्ग क्रमांक नवीन ६५ येथे भरधाव कार पलटी होऊन विचित्र अपघात झाला. या अपघातात दोघे जागीच ठार झाले तर दोनजण गंभीर जखमी झाले आहेत.
अपघात झालेल्या कारने पेट घेतल्याने घटनास्थळी बघ्यांची एकच गर्दी झाली होती. त्यामुळे महामार्गावरील वाहतुक काहीकाळ ठप्प झाली असून यात दोघे जण जागीच जळून खाक झाले आहेत. पेट घेतलेले वाहन पुणे येथून तलमोड या गावाकडे यात्रेनिमित्त जात होते. कारमधील चारही जण तलमोड गावचे रहिवाशी आहेत असे कळते.
या अपघातामुळे घटनास्थळी वाहनांच्या रांगा लागल्या असून बऱ्याच वाहनांच्या काचा फुटल्या आहेत. घटनास्थळी पोलीस पोहोचले असून पुढील तपास चालू आहे.