कराड, खटाव येथे २ नवीन कोरोनाग्रस्त; सातारा जिल्ह्यातील एकूण रुग्णसंख्या १२१ वर

कराड प्रतिनिधी । सकलेन मुलाणी

कराड तालुक्यात एक आणि खटाव येथे एक असे एकूण २ जणांचे कोरोना अहवाल आज पॉजिटीव्ह आले असल्याचे बी.जे. मेडिकल कॉलेज, पुणे यांनी कळवले आहे. अशी माहिती सातारा जिल्हा शल्यचिकित्सक डॉ. आमोद गडीकर यांनी दिली आहे.

कराड मध्ये एका रुग्णांचा रिपोर्ट पॉझिटीव्ह आला असून त्याला बाधित रूग्णाच्या संपर्कात आल्याने कोरोनाची बाधा झाली असल्याचे समजत आहे. तसेच खटाव तालुक्यातला एक नागरिक ठाण्यावरून प्रवास करून आला आहे. त्याची तपासणी केली असता तो कोरोना बाधित असल्याचे समोर आले आहे.

यामुळे ताज्या आकडेवारीनुसार, सातारा जिल्ह्यातील कोरोनाबाधितांची संख्या आता १२१ वर पोहोचली आहे. तर कोरोनाचा हॉटस्पॉट बनलेल्या कराड तालुक्यातील कोरोनाग्रस्तांची संख्या ८८ झाली आहे.