पाचगणी | सातारा जिल्हा बॅंकेच्या निवडणुकीत आ. शशिकांत शिंदे यांच्यासोबत राहण्यासाठी माझ्यावर प्रचंड व मोठमोठ्या नेत्यांचा दबाव होता. तरीही मी ज्ञानदेव रांजणे यांच्यासोबत राहीलो. कारण ज्यांनी मला गेल्या 10- 15 वर्षात नेहमी साथ दिली, त्यांना सोडायचे आणि ज्यांनी मला आडचणीत आणले त्यांना साथ द्यायची हे कोणत्या तत्वातं बसते, असा सवाल आ. शिवेंद्रसिंहराजे भोसले केला. तसेच आ. शशिकांत शिंदेच्या विरोधात काम केल्याचा स्वतः पहिल्यांदाच उघडपणे गाैप्यस्फोट केला.
सातारा जिल्हा बॅकेच्या निवडणुकीत जावली सोसायटी मतदार संघाची निवडणुक हाय होल्टेज झाली. या निवडणूकीत आ. शशिकांत शिंदे यांचा ज्ञानदेव रांजणे यांनी एक मताने पराभव करुन जावलीत इतिहास रचला. मात्र आ. शिवेंद्रसिंहराजे भोसले याच्यावर सुद्धा या निवडणुकीत आ. शशिकांत शिंदे यांना मदत करा, असा प्रचंड दबाव राज्यातील मोठमोठ्या नेत्यांचा असताना देखील आ. शिवेंद्रराजे भोसले ज्ञानदेव राजणे याच्या पाठीशी उभे राहण्याची भूमीका का घेतली यांचा गौप्सस्पोट केला. आबेघर (ता. जावळी) येथील शेतकरी मेळाव्यात ते बोलत होते.
शेतकरी मेळाव्याला बोलताना आ शिवेंद्रराजे भोसले म्हणाले, जावलीतील 25 मतदारांचा आशिर्वाद वसंतराव मानकुमरे यांची साथ म्हणून आज ज्ञानदेव राजणे याच्यावर गुलाल पडला. त्यामुळे सर्वसामान्य शेतकरी घरातील मुलगा ज्ञानदेव रांजणे जिल्हा बॅकेत जाऊन पोहचले ही महत्वपुर्ण बाब आहे.
