नवी दिल्ली । जर्नल ऑफ इन्फेक्शियस डिसीजमध्ये प्रकाशित झालेल्या एका संशोधनात असा दावा करण्यात आला आहे की, जी लोकं गंभीर कोरोना संसर्गामुळे ग्रस्त आहेत किंवा दीर्घकाळापासून आजारी आहेत त्यांच्याकडे अधिक अँटीबॉडीज आहेत.
कोरोनाच्या गंभीर संसर्गामुळे ग्रस्त किंवा दीर्घकाळ आजारी असलेल्या लोकांमध्ये अँटीबॉडीज जास्त असतात. जर्नल ऑफ इन्फेक्शियस डिसीजमध्ये प्रकाशित झालेल्या संशोधनात हा दावा करण्यात आला आहे. या संशोधनानुसार, गंभीर कोरोना संसर्गामुळे ग्रस्त असलेल्या रुग्णांमध्ये तयार झालेल्या जास्त अँटीबॉडीज त्यांना भविष्यात पुन्हा संसर्गापासून वाचवतील. संशोधकांनी 830 लोकांवर संशोधन केले. यामध्ये 548 हेल्थकेयर वर्कर आणि 283 सामान्य लोकांचा समावेश होता. संक्रमणा नंतर अँटीबॉडीज प्रतिसाद, लक्षणे आणि संसर्गाच्या जोखीम घटकांचे निरीक्षण करणे हे संशोधनाचे ध्येय होते.
या अभ्यासादरम्यान 6 महिन्यांच्या आत एकूण 548 पैकी 93 लोकं संक्रमित झाले होते. त्यापैकी 24 लोकांना गंभीर कोरोना संसर्ग झाला होता आणि 14 रुग्ण लक्षणेहीन होते. एक तृतीयांश रुग्णांनी एका महिन्यासाठी लक्षणे दर्शविली, तर एकूण 10 टक्के संक्रमित रुग्णांनी 4 महिने लक्षणे दर्शविली. संशोधन करणारे रटगर्स रॉबर्ट वुड जॉन्सन मेडिकल स्कूलचे संशोधक डॅनियल बी. गंभीर कोरोना संसर्गाने ग्रस्त 96 टक्के रुग्णांमध्ये अँटीबॉडीज जास्त बनली. जी लोकं सतत लक्षणे दर्शवत नव्हते त्यांनी कालांतराने जास्त अँटीबॉडीज बनविली.
शरीरात अँटीबॉडीज किती काळ राहतात यावर संशोधन केले गेले आहे, इटलीतील पडुआ विद्यापीठ आणि लंडनच्या इम्पीरियल कॉलेजसह गेल्या वर्षी फेब्रुवारी आणि मार्चमध्ये इटली शहरात 3 हजार कोरोनाग्रस्तांच्या डेटाचे विश्लेषण करण्यात आले. त्यापैकी 85 टक्के रुग्णांची तपासणी करण्यात आली. मे आणि नोव्हेंबर 2020 मध्ये पुन्हा एकदा रुग्णांची तपासणी करून अँटीबॉडीजची पातळी दिसून आली. या तपासात असे दिसून आले आहे की, फेब्रुवारी आणि मार्चमध्ये ज्यांना संसर्ग झाला होता, त्यापैकी 98.8 टक्के रुग्णांमध्ये नोव्हेंबरमध्येही अँटीबॉडीज आढळल्या होत्या.
इम्पीरियल कॉलेजचे संशोधक इलेरिया डोरिगती म्हणतात,” संशोधनादरम्यान असे आढळून आले की, अँटीबॉडीजची पातळी लक्षणे असलेल्या आणि नसलेल्या रुग्णांमध्ये समान होती. हे देखील स्पष्ट झाले की,कोरोनाची लक्षणे आणि संसर्ग किती तीव्र होता, त्याचा अँटीबॉडीजच्या पातळीवर कोणताही परिणाम झाला नाही.
