हॅलो महाराष्ट्र ऑनलाईन। (Shaktimaan Movie) मराठी कलाविश्वात कायम वेगवेगळे प्रयोग केले जातात. त्यामुळे गेल्या काही काळात मराठी सिनेइंडस्ट्रीचा प्रेक्षक मोठ्या संख्येने वाढला आहे. दर्जेदार कलाकृतींच्या जोरावर प्रेक्षकांचे कायम मनोरंजन करणे हा एकच ध्यास अनेक निर्माते आणि दिग्दर्शक उराशी बाळगून कार्यरत आहेत. दरम्यान अभिनेता आदिनाथ कोठारे आणि अभिनेत्री स्पृहा जोशी अभिनित ‘शक्तिमान’ हा चित्रपट प्रेक्षकांच्या भेटीसाठी सज्ज झाला आहे. या चित्रपटातून स्वतःमध्ये स्वतःचा शोध घेणाऱ्या सुपरहीरोची गोष्ट पहायला मिळणार आहे. या चित्रपटाचा ट्रेलर नुकताच प्रदर्शित झाला असून प्रेक्षकांच्या पसंतीस पडला आहे.
शक्तिमान’चा ट्रेलर (Shaktimaan Movie)
मोशनस्केप एंटरटेनमेंट निर्मित आणि प्रकाश कुंटे दिग्दर्शित ‘शक्तिमान’ या नव्या चित्रपटाचा ट्रेलर अलीकडेच प्रदर्शित झाला आहे. या चित्रपटात आदिनाथने सिद्धार्थ ही भूमिका साकारली असून स्पृहा त्याच्या बायकोच्या भूमिकेत झळकते आहे. एका सामान्य व्यक्तीची असामान्य गोष्ट या चित्रपटातून आपल्याला पहायला मिळणार आहे.
ट्रेलरमध्ये कुटुंबाचा विरोध पत्करून सगळ्यांच्या मदतीला धावणारा सिद्धार्थ आपल्याला भेटणार आहे. शिवाय हृदयविकाराने त्रस्त असलेल्या एका लहान मुलीचं हार्ट ट्रान्सप्लांट करण्यासाठी त्याची सुरु असलेली धडपड या चित्रपटाला भावनिक जोड देते.
आदिनाथची पोस्ट
अभिनेता आदिनाथ कोठारेने त्याच्या अधिकृत सोशल मीडिया हॅण्डल इंस्टाग्रामवर हा ट्रेलर शेअर केला आहे. सोबत कॅप्शनमध्ये लिहिले आहे कि, ‘ ”शक्तिमान”- आपल्या सगळ्यांच्यात दडलेला असतो एक सुपरहिरो. (Shaktimaan Movie) त्याला योग्यवेळी स्वतःमध्ये शोधावं लागतं. अगदी आपल्या बाबांसारखं! सामान्यांतील असामान्यत्व दाखवणारी…आपल्या आजूबाजूला घडू शकणारी गोष्ट…आपल्या घरातली गोष्ट ‘शक्तिमान’ २४ मे पासून सिनेमागृहात…’.
कधी होणार रिलीज?
‘शक्तिमान’ या आगामी चित्रपटात अभिनेता आदिनाथ कोठारे आणि अभिनेत्री स्पृहा जोशी यांच्या व्यतिरिक्त अभिनेता प्रियदर्शन जाधव, ईशान कुंटे, विक्रम गायकवाड हे कलाकार देखील महत्त्वाच्या भूमिकेत पाहायला मिळणार आहेत. हा चित्रपट येत्या २४ मे २०२४ रोजी प्रदर्शित होणार असून ट्रेलरनंतर प्रेक्षकांमध्ये उत्सुकता शिगेला पोहोचली आहे. (Shaktimaan Movie) ‘शक्तिमान’ चित्रपटाचे दिग्दर्शन प्रकाश कुंटे यांनी केले आहे. सोशल मीडियावर चित्रपटाचा ट्रेलर व्हायरल होतो आहे.