Share Market : सेन्सेक्स 656 अंक तर निफ्टी 18 हजारांच्या खाली बंद

मुंबई । आठवडी मुदतीपूर्वी बाजारात घसरण झाली. बाजार आज सलग दुसऱ्या दिवशी घसरणीवर बंद झाला. ट्रेडिंगच्या शेवटी, बॉम्बे स्टॉक एक्सचेंज (BSE) प्रमुख निर्देशांक सेन्सेक्स 656.04 अंकांच्या किंवा 1.08 टक्क्यांच्या घसरणीसह 60,098.82 वर बंद झाला. दुसरीकडे, नॅशनल स्टॉक एक्सचेंज (NSE) चा निफ्टी 174.60 अंकांनी म्हणजेच 0.96 टक्क्यांनी घसरून 17,938.40 वर बंद झाला.

एशियन पेंट्स, श्री सिमेंट्स, इन्फोसिस, ग्रासिम इंडस्ट्रीज आणि एचयूएल हे बुधवारच्या ट्रेडिंगमध्ये निफ्टीत टॉप लूझर्स ठरले. तर ओएनजीसी, टाटा मोटर्स, एसबीआय, कोल इंडिया आणि यूपीएल टॉप गेनर ठरले.

मंगळवारीही मोठी घसरण झाली
आदल्या दिवशी म्हणजेच मंगळवारी सेन्सेक्स 554.05 अंकांनी किंवा 0.90 टक्क्यांच्या घसरणीसह 60754.86 वर बंद झाला. दुसरीकडे, निफ्टी 1.07 टक्क्यांनी किंवा 195.10 अंकांच्या घसरणीसह 18113.00 वर बंद झाला.

सेबीने Saa₹thi App लाँच केले
देशातील बाजार नियामक सिक्युरिटीज अँड एक्स्चेंज बोर्ड ऑफ इंडिया (SEBI) ने गुंतवणूकदारांना शिक्षित करण्यासाठी Saa₹thi App हे मोबाईल अ‍ॅप लॉन्च केले आहे. या अ‍ॅपद्वारे, गुंतवणूकदारांना सिक्युरिटीज मार्केट, केवायसी प्रक्रिया, ट्रेडिंग आणि सेटलमेंट, म्युच्युअल फंड, नवीनतम बाजारातील अस्थिरता याबद्दल माहिती मिळेल. हे अ‍ॅप हिंदी आणि इंग्रजी भाषेतही उपलब्ध आहे. तुम्ही ते तुमच्या Android किंवा iOS स्मार्टफोनवर वापरू शकता. म्हणजे तुम्ही ते Play Store आणि App Store या दोन्हीवरून डाउनलोड करू शकता.

कोरोनाचा प्रभाव, 28 फेब्रुवारीपर्यंत आंतरराष्ट्रीय फ्लाईट्सवर बंदी कायम राहणार आहे
ओमिक्रॉनची सतत वाढत असलेली प्रकरणे लक्षात घेता, इंटरनॅशनल फ्लाईट्सवरील बंदी आणखी वाढवण्यात आली आहे. नागरी विमान वाहतूक महासंचालकांनी (DGCA) एका परिपत्रकाद्वारे ही माहिती दिली. त्यात म्हटले आहे की, कोविड-19 च्या धोक्याच्या पार्श्वभूमीवर आता 28 फेब्रुवारी 2022 पर्यंत इंटरनॅशनल कमर्शियल पॅसेंजर सर्विसवर बंदी घालण्यात आली आहे.