नवी दिल्ली I आठवड्याच्या पहिल्याच ट्रेडिंगच्या दिवशी, बॉम्बे स्टॉक एक्स्चेंज (BSE) सेन्सेक्स 285 अंकांनी किंवा 0.51 टक्क्यांनी वाढून 55835 वर उघडला, तर नॅशनल स्टॉक एक्स्चेंज (NSE) निफ्टी 68 अंकांनी किंवा 0.41 टक्क्यांनी वाढून 16698 पातळीवर ट्रेड करत होता. आज सप्ताहाची सुरुवात चांगली झाली.
सलग पाचव्या सत्रात बाजार वाढीने बंद झाला. ट्रेडिंगच्या शेवटी, सेन्सेक्स 935.72 अंकांच्या किंवा 1.68 टक्क्यांच्या वाढीसह 56,486.02 वर बंद झाला. दुसरीकडे, निफ्टी 240.85 अंकांच्या किंवा 1.45 टक्क्यांच्या वाढीसह 16,871.30 वर बंद झाला.
शेवटच्या ट्रेडिंगच्या दिवशी सेन्सेक्स 85.91 अंकांच्या किंवा 0.15 टक्क्यांच्या वाढीसह 55,550.30 वर बंद झाला होता. त्याचप्रमाणे निफ्टीही 35.55 अंकांच्या किंवा 0.21 टक्क्यांच्या वाढीसह 16630.45 च्या पातळीवर बंद झाला.
आता तुम्हाला मॅगी आणि कॉफीसाठी जास्त पैसे मोजावे लागणार
हिंदुस्तान युनिलिव्हर (HUL) आणि नेस्ले यांनी 14 मार्चपासून चहा, कॉफी, दूध आणि नूडल्सच्या किंमती वाढवल्या आहेत. CNBC-TV 18 नुसार, HUL ने Bru Coffee च्या किंमती 3-7% ने वाढवल्या आहेत. त्याच वेळी, ब्रू गोल्ड कॉफीच्या जारच्या किंमतीही 3-4% वाढल्या आहेत. इन्स्टंट कॉफी पाऊचच्या किमती 3% वरून 6.66% पर्यंत वाढल्या आहेत.
त्याच वेळी, ताजमहाल चहाच्या किंमती 3.7% वरून 5.8% पर्यंत वाढल्या आहेत. ब्रूक बाँड प्रकारांच्या विविध चहाच्या किंमती 1.5% वरून 14% पर्यंत वाढल्या आहेत. HUL ने सांगितले की,”सतत वाढणाऱ्या महागाईमुळे कंपनीला वाढलेल्या किंमतींचा भार ग्राहकांवर टाकावा लागतो आहे.”
